नयाँ दिल्ली: कांग्रेस नेता राहुल गान्धीलाई दिल्लीको प्रवर्तन निदेशालय (ईडी) को कार्यालयमा सोधपुछ भइरहेको छ। यसैबीच कार्यालयबाहिर कांग्रेस कार्यकर्ता र नेताहरुको प्रदर्शन चर्किएको छ। यसको विरोधमा पार्टीका कार्यकर्ताहरुले टायर बालेर आगजनी गरेको बताइएको छ। सोही क्रममा ठूलो संख्यामा मजदुरहरु सडकमा नाराबाजी गर्दै धरनामा बसेका छन्। सो क्रममा पुलिस र नेताहरुबीच झडपसमेत भएको थियो। मिडिया रिपोर्टका अनुसार पुलिस कारबाहीबाट आक्रोशित कांग्रेस कार्यकर्ताले ईडीको कार्यालयबाट केही टाढा टायरमा आगजनी गरेका छन्। घटनाको खबर प्राप्त हुनासाथ दिल्ली पुलिस घटनास्थलमा पुगेको छ र आगो निभाउने प्रयास भइरहेको छ। विशेष कुरा के छ भने नेशनल हेराल्ड पत्रिकासँग सम्बन्धित सम्पत्ति शुद्धीकरण मुद्दामा सोधपुछका क्रममा तीन दिनदेखि हङ्गामा चलिरहेको छ। यसैबीच, यसअघि अधीर रञ्जन चौधरी, छत्तीसगढका मुख्यमन्त्री भूपेश बघेल, अजय माकनलगायत धेरै ठूला नेताहरू सडकमा धरनामा बसेको खबर आएको थियो। यसअघि बिहानै पनि पुलिसले प्रदर्शनमा उत्रिएका कांग्रेसका नेताहरुलाई नियन्त्रणमा लिएको थियो। कांग्रेस नेता रणदीप सिंह सुरजेवालाले पुलिस अधिकारीलाई उद्धृत गर्दै चेतावनी दिएका छन्।