मुम्बई: बलिवुडका दिग्गज अभिनेता तथा निर्देशक सतीश कौशिकको निधनले समग्र चलचित्र जगतमा शोकको लहर छाएको छl ६६ वर्षको उमेरमा उनको निधन भएको हो। शबना आजमीको निवासमा ७ मार्चमा होली मनाएर उनी पारिवारिक होली खेल्न दिल्ली गएका थिए। महिमा चौधरी, जाबेद अख्तरसँग होली खेलेको त्यो होलीको तस्वीर उनले सामाजिक सञ्जालमा राखेका थिए। परिवारसँग होली खेलिरहेका उनले असहज महसुस गरे पछि फरटिज अस्पतालमा भर्ना गरिएको थियो, उनले राती सदाका लागि संसार छाडेको भारतीय मिडियाले जनाएका छन्।

सतीश कौशिकको निधनको पीडा अहिले सबैभन्दा बढी उनकी श्रीमती शशि कौशिकलाई परेको छ। शशी यतिबेला स्तब्ध छिन् र आफूलाई परेको यो गहिरो पीडाको आँसु थाम्न खोजिरहेकी छिन् छन्। सतीश कौशीकी श्रीमती शशी उनीजस्तै सामाजिक सञ्जालमा सक्रिय छैनन्। शशि, जसलाई सतिश कौशिकले ३८ वर्षअघि आफ्नो जीवनसाथी बनाएका थिए। शशि र सतीशको विवाह सन् १९८५ मा भएको थियो। शशि सामाजिक सञ्जालमा खासै सक्रिय छैनन्। सतीश कौशिक बाहेक उनकी श्रीमती शशि कौशिक पनि एक लोकप्रिय निर्माता थिइन्। शशिले ‘छोरीँ छोरों से कम नही होती’ फिल्म निर्माण गरेकी थिइन् थिए जसमा सतीश कौशिक पनि महत्वपूर्ण भूमिकामा थिए। यसबाहेक शशि पंकज त्रिपाठी अभिनित फिल्म ‘कागज’का सह-निर्माता पनि हुन्।

विवाहको करिब ९ वर्षपछि सन् १९९४ मा सतीश र शशिका छोरा शानु कौशिकको जन्म भएको थियो र उनको मृत्यु हुँदा उनी २ वर्षका थिए। परिवारको यो नयाँ खुशी शोकमा परिणत हुन्छ भनेर दुवैले सोचेका थिएनन्। छोराको मृत्यु भएको करिब १६ वर्षपछि घरमा फेरि नानीको आगमन भयो। यस पटक छोरी वंशिकाको जन्म भयो र शशि-सतीश सरोगेसी मार्फत आमाबाबु बने। नीना गुप्ता सतीश कौशिककी धेरै मिल्ने साथी हुन्। नीना गुप्ता त्यतिबेला क्रिकेटर भिभियन रिचर्ड्ससँग प्रेममा थिइन् र बिना विवाह नै आमा बन्न लागेकी थिइन्। नीना गुप्ताले मसाबालाई जन्म दिने निर्णय गरे र यो कठिन घडीमा सतीश कौशिक उनको साथमा उभिए। त्यसबेला सतीश कौशिकले नीनालाई विवाहको प्रस्ताव पनि दिएका थिए र मसाबालाई ग्रहण गर्ने कुरा गरेका थिए। उनीहरुले बिहे नगरेपनि आजसम्म उनीहरुको मित्रताको बन्धन गजब रहेको छ। सतीशले नीना गुप्तलाई बिहेको प्रस्ताव आएको कुरामा आफ्नी श्रीमती शशिको प्रतिक्रिया के भएको बताए। उनले भनेका थिए, ‘मेरी श्रीमती शशिलाई म र नीनाबीचको समीकरण थाहा छ। उनी बारम्बार मेरो घरमा आउँछिन्। उसले पनि हाम्रो मित्रता बुझ्छ र सम्मान गर्छिन्l’

बलिउडका उत्कृष्ट चलचित्र निर्माता, अभिनेता र निर्माता सतीश कौशिक अब यस संसारमा छैनन्। पछिल्लो पटक उनी दिल्ली एनसीआरमा थिए, जहाँ उनी आफ्नो साथीलाई भेट्न आएका थिए। शुरुमा असहज महसुस गरेपछि अस्पताल लैजाँदै गर्दा करिब १ बजे कारमै उनको मृत्यु भएको बताइएको छ। यो दु:खद खबरले चलचित्र उद्योग र उनका फ्यानहरूलाई गहिरो शोकमा ल्याएको छ। १३ अप्रेल सन् १९५६ मा हरियाणामा जन्मेका सतिश कौशिक अभिनय, व्यंग्य, पटकथा लेखन, निर्देशन र फिल्म निर्माणमा समेत चर्चित थिए। कौशिकले ‘हम आपके दिलमे रहेते है’ ‘तेरे नाम’ जस्ता चर्चित फिल्म निर्देशन गरेका थिए। कौशिकले अभियन गरेका मिस्टर इण्डिया–१९८७, दिवाना मस्ताना–१९९७ चर्चित फिल्म हुन्।  सन् १९९० मा ‘रामलखन’ र सन् १९९७ मा ‘साजन चले ससुराल’ बाट फिल्मफेयर बेस्ट कमेडियन अवार्ड पाएका थिए। ‘मिस्टर इण्डिया’मा उनले निर्वाह गरेका क्यालेण्डरको भूमिका सर्वाधिक लोकप्रिय बनेको छl