सिलगढी: तेस्रो उत्तर बंगाल बर्ड महोत्सव ४ अप्रेलबाट सुरु हुँदैछ जुन १० सम्म चल्नेछ। बिहीबार दिउँसो लगभग १ बजे सिलगढी जर्नलिस्ट क्लबमा पत्रकार सम्मेलन गरेर यसबारे जानकारी दिएका हुन्। पश्चिम बङ्गाल सरकारको पर्यटन विभागले संरक्षण तथा पर्यटन संघसँगको सहकार्यमा बर्ड फेस्टिभल आयोजना गर्न लागेको हो । यस सम्बन्धमा संरक्षण तथा पर्यटन संघका संयोजक राज बसुले महोत्सवमा सहभागी हुन शुक्रबारदेखि सिलगढीको मैनाक टुरिष्ट लजमा दर्ता सुरु हुने बताए। कार्यक्रम अप्रिल ४ बाट सुरु हुनेछ। सिलगढीसँगै भुटानको चिलापाटार कोडलबस्ती नजिकैको लेप्चाखा क्षेत्रमा पनि महोत्सव आयोजना गरिने भएको छ।