हङकङमा फ्रिजमा टुक्रिएको शव फेला परेपछि पुलिसले मोडलका पूर्व श्रीमानका आफन्तविरुद्ध हत्याको मुद्दा दायर गरेको छ। हङकङकी मोडल एबी चोईकी पूर्व ससुरा र उनका ससुराको जेठा भाइलाई हत्याको आरोप लगाइएको छ, जबकि उनकी पूर्व सासूलाई हङकङ मोडेलको हत्यामा न्यायमा अवरोध गरेको आरोप लगाइएको छ। हत्याको खबर बाहिरिएपछि सारा विश्व स्तब्ध भएको छ। पुलिसले घटनास्थलबाट मासु काट्ने छुरी लगायतका औजार बरामद गरेको छ। अधिकारीहरूले सूपको भाँडोमा मानव टिस्युहरू पनि फेला पारेका छन्, जसले हत्याको त्रासलाई बढाएको छ।

अधिकारीहरूले शनिबार मोडलका २८ वर्षीय पूर्व पतिलाई पनि पक्राउ गरेको छl उनीविरुद्ध कुनै आरोप लगाइएको छैन। शुक्रबार हङकङको ताइ पोस्थित गाउँको घरमा राखिएको फ्रिजबाट पुलिस अधिकारीहरूले मोडलको शवको भाग बरामद गरेपछि यो कुरा बाहिर आएको हो। घरबाट मासु ग्राइन्डर, आरा, रेनकोट, पञ्जा र मास्कसमेत बरामद भएको पुलिस उपरीक्षक एलन चुङले शनिबार जानकारी दिए। पीडित केही दिनदेखि बेपत्ता थिए। पुलिसले फ्रिजमा एक महिलाको काटिएको खुट्टा र घरमा चोईको परिचयपत्र, क्रेडिट कार्ड र अन्य सामान फेला पारेको थियो। चुङले सूपको भाँडोमा मानव टिस्यु पनि फेला पारेको बताए। पुलिसले घटनास्थलबाट पीडितको हात फेला पारेको छैन।

आइतबार, पुलिसले घरमा भेटिएका दुईवटा ठूला भाँडोमध्ये एउटा भित्र एउटा टाउको र करङ फेला पारेको बताएको छ। भाँडोमा सूप, मासु (जसलाई मानव अवशेष भनिँदैछ, गाजर र हरियो मुलाले भरिएको थियो, द स्ट्रेट्स टाइम्सले रिपोर्ट गरेको छ। पुलिस अधिकारी एलन चुङले गाउँको घर खाली भएको र हालै भाडामा लिएको बताए। घरबाट महिलाको परिचयपत्र, क्रेडिट कार्ड र अन्य सामान पनि फेला परेको छ।