अलिपुरद्वार: डुवर्स तामाङ बौद्ध संघले आइतवार कालचिनी ब्लकको जयगाउँ गोपीमोहन मैदानमा डुवर्स सोनाम लोसा महोत्सव आयोजना गरेको छ। यस दिन गोपीमोहन मैदानमा डुवर्सका विभिन्न स्थानका तामाङ समुदायको बाक्लो उपस्थिति रहेको थियो। आयोजक समितिका तर्फबाट सुधीर मुक्तानले तामाङ समुदायको संस्कृतिलाई यसबाट उजागर गरेको बताए। तामाङ समुदायको सांस्कृतिक नृत्य तथा सांगीतिक प्रस्तुति समेत गरिएको थियो।