जलपाइगढी: जलपाइगढीमा महिलाहरूको मानसिक स्वास्थ्य सम्बन्धी सेमिनार आयोजित गरियो। रवीन्द्र भवनमा आयोजित यस सेमिनारमा राज्य महिला आयोगकी अध्यक्ष लीना गंगोपाध्याय, जलपाइगढी जिल्ला मजिस्ट्रेट मौमिता गोदारा बसु, जिल्ला पुलिस अधीक्षक विश्वजित महतो उपस्थित थिए। जिल्ला समाज कल्याण विभाग र प्रदेश महिला आयोगले आयोजना गरेको यस गोष्ठीको मुख्य उद्देश्य महिलालाई मानसिक स्वास्थ्यबारे सचेत गराउनु रहेको छ । यस सेमिनारमा छलफल गरिएका विषयहरूलाई जलपाइगढीका विभिन्न शैक्षिक संस्थाहरूमा पुर्‍याउने पहल गरिएको छ। प्रदेश महिला आयोगकी अध्यक्ष लीना गंगोपाध्यायले महिला आयोग समाजको छाता जस्तै भएको बताइन् । यो छाता महिला र बालबालिकाको सुरक्षाका लागि हो । प्रदेश महिला आयोगकी अध्यक्ष लीना गंगोपाध्यायले महिला आयोगको छातामा आउने महिलाले प्रशासनबाट धेरै सहयोग पाउन सक्ने बताइन् । भन्न र सुन्न नराम्रो लागे पनि यतिबेला घरेलु हिंसाका धेरैजसो घटना सार्वजनिक हुने गरेको छ । उनले आगामी वर्षभित्रमा यस्ता सचेतनामूलक कार्यशालाहरूमार्फत कलेज तथा विश्वविद्यालयका असंख्य छात्राहरूसम्म पुग्ने लक्ष्य राखेको बताइन् ।