नयाँ दिल्ली: क्रिकेट र बलिउडबीचको सम्बन्ध धेरै पुरानो साथै गाढा रहेको छल धेरै खेलाडीले बलिवुडकी नायिकासित बिहे गरे, कतिले भने मायाप्रीतिमा आफ्नो चित्त बुझाउन सकेनन्। भारतीय क्रिकेट टोलीका पूर्व कप्तान सौरभ गांगुलीको नाम पनि एक नायिकासँग जोडिएको थियो, तर लामो समयदेखि सम्बन्धमा रहे पनि दुवै अलग भए। यो सम्बन्धको बारेमा नायिका आफैले १८ वर्षपछि एक अन्तर्वार्तामा खुलासा गरेकी हुन्। नायिका नग्मासँग सौरभ गांगुलीको अफेयरको खबर आएपछि उनले विवाह गरेका थिए।
‘प्रिन्स अफ कोलकाता’ अर्थात् भारतीय क्रिकेट टोलीलाई नयाँ उचाइमा पुर्याउने सौरभ गांगुलीले सन् १९९६ मा छिमेकमा बसेकी डोना गांगुलीसँग विवाह गरे। यसपछि सन् २००० मा गांगुलीको नाम अभिनेत्री नगमासँग जोडिन थाल्यो। यी दुईबीचको अफेयरको खबरले तिब्रता पाउन थाल्यो। त्यसपछि गांगुली र नग्माले यसबारे कुनै आधिकारिक बयान दिएनन्। यद्यपि नग्माले १८ वर्षपछि यस सम्बन्धमा मौनता तोडिन्। त्यसपछि नग्माले दुई अलग भएको कारण बताएकी थिइन्।
नग्माले भनिन्, ‘त्यतिबेला हामी दुवैको बारेमा धेरै भनियो तर दुवैले केही बोलेनन्। त्यतिबेला उनको मनमा जे आयो, हाम्रो बारेमा भने। सन् २००० मा, जब गांगुली आफ्नो करियरको शिखरमा थिए, तब मानिसहरूले टीम इण्डियाको हार र कप्तानको खराब प्रदर्शनलाई पचाउन सकेनन्, जसले हाम्रो सम्बन्धलाई प्रत्यक्ष असर गर्योl’ सौरभ गांगुलीको कप्तानीमा भारतीय टोलीले धेरै उपलब्धि हासिल गरेको छ। गांगुलीले धेरै युवाहरूको करियरलाई आकार दिए। गांगुलीको कप्तानीमा वीरेन्द्र सहवाग, युवराज सिंह र हरभजन सिंह जस्ता खेलाडीले आफ्नो प्रतिभा देखाएका थिए। नग्माका अनुसार सौरभ गांगुलीको करियर त्यतिबेला खतरामा थियो। ‘यस्तो अवस्थामा कोही न कोही छुट्टिनु पर्यो। त्यसबेला गांगुलीले आफ्नो करियरमा ध्यान दिनु उचित ठाने। मलाई लाग्छ गांगुलीको यो निर्णय सही थियो’, नग्माले भनिन्l सौरभ गांगुलीले कुल १९६ अन्तर्राष्ट्रिय खेलमा भारतको कप्तानी गरेका छन्। यस अवधिमा भारतले ९७ खेल जितेको छ भने ७९ खेलमा भारतले हार बेहोरेको छ। यसमा भारतले १५ टेस्ट बराबरी खेलेका टेस्ट म्याचहरू पनि समावेश छन्। गांगुलीको कप्तानीमा भारतको कुनै पनि खेल बराबरी भएन।
About Author
