२२ फरवरीः लिम्बु बस्ती पारिजात संघ, सिलगढ़ीको आयोजनमा आउँदो २६ फरवरीको दिन नाइन ए साइड वनडे नक्आउट भेटरन्स (फोर्टी प्लस) फूटबल टुर्नामेण्टको आयोजन गरिनेछ। सरोजनी पल्ली, प्रकाशनगरमा पुरानो स्वीमिंग पूल नजिक स्थित खेल मैदानमा हुने यस टुर्नामेण्टमा जम्मा आठवटा टीमले हिस्सा लिनेछ। म्याचहरू बिहान ८ बजीदेखि शुरु हुनेछ। टुर्नामेण्टमा च्याम्पियन हुने टीमलाई बिकास लिम्बु स्मृति विनर्स ट्रफी अनि रनरअप् हुने टीमलाई विजय ठाकुरी स्मृति रनरअप् ट्रफी प्रदान गरिनेछ। यसको साथमा नगद पुरस्कार पनि रहनेछ।