गान्तोक: वित्तीय साक्षरता सप्ताह २०२३ को अवसरमा सिक्किमका सबै जिल्लाहरूमा वित्तीय साक्षरता भ्यानहरू एकै साथ तैनाथ गरिएको थियो। गान्तोक जिल्लाको जिल्ला प्रशासनिक केन्द्रमा एक विदाई समारोह आयोजित गरिएको थियो, जसमा तुषार गजानन निखारेले गाडीलाई झण्डा देखाएर विदा गऱ्यो। हेमन्त राई, अतिरिक्त जिल्लापाल लगायत कार्यक्रममा स्थानीय ब्यांकका प्रतिनिधि तथा अन्य सरकारी अधिकारीहरुको समेत उपस्थिति रहेको थियो। वित्तीय साक्षरता सप्ताह’ एक प्रमुख कार्यक्रम हो जुन भारतीय रिजर्व बैंक (आरबीआई) द्वारा हरेक वर्ष फरवरीको तेस्रो हप्तामा जनतामा वित्तीय साक्षरता प्रवर्द्धन गर्न राष्ट्रव्यापी रूपमा मनाइन्छ। यस वर्ष आरबीआइले १३ फरवरीदेखि १७ सम्म “गुड फाइनान्सियल बिहेभियर-योर सेभियर” को विषयवस्तुमा मनाईरहेको थियो। जुन ‘वित्तीय शिक्षाको लागि राष्ट्रिय रणनीति: २०२०’ को समग्र रणनीतिक उद्देश्यहरूसँग मिल्दोजुल्दो छ। श्रीमती शालिनी शर्मा, लिया बक्षी र आरबीआई गान्तोककी सहायक पेमा ल्हामु भुटियाले कार्यक्रमको संयोजन गरे, जहाँ वित्तीय समावेशीकरणको लक्ष्य हासिल गर्न वित्तीय साक्षरता र जनतामा चेतनाको महत्त्वलाई प्रकाश पारिएको थियो। जिल्लापाल निखारेले यस माध्यमबाट दुर्गम क्षेत्रहरूमा वित्तीय साक्षरता फैलाउन आरबीआईको प्रयासको प्रशंसा गरे। वित्तीय साक्षरता भ्यानले जिल्लाभर यात्रा गरेर वित्तीय साक्षरता अडियो सामग्री बजाउने लाउडस्पीकरहरूसँग सुसज्जित थियो। गाडीलाई वित्तीय साक्षरता सहजकर्ताहरूले चलाएका थिए जसले तत्काल वित्तीय साक्षरता शिविर सञ्चालन गरे र पर्चाहरू र अन्य वित्तीय साक्षरता सामग्रीहरू वितरण गरे, विशेष गरी जिल्लाका दुर्गम क्षेत्रहरूमा जनतामाझ पुगे।