नयाँ दिल्ली: वित्त मन्त्री निर्मला सीतारमणका अनुसार मन्त्रीहरूको समूहको दुई रिपोर्ट परिषदले स्वीकार गरेको छ। ४९औं जीएसटी काउन्सिलको बैठकपछि आयोजित पत्रकार सम्मेलनमा वित्तमन्त्रीले यस्तो बताएकी हुन्। वित्तमन्त्रीले भनिन्, ‘ १६ हजार ९८२ करोडको सम्पूर्ण जीएसटी क्षतिपूर्ति उपकर क्लियर गरिएको छ। सबै बकाया जीएसटी क्षतिपूर्ति उपकर आज जारी गरिएको छ। दिल्लीको विज्ञान भवनमा ४९औँ जीएसटी परिषद्को बैठक सम्पन्न भएको छ। वित्तमन्त्री निर्मला सीतारमणले बैठकको अध्यक्षता गरेकी थिइन्। बैठकमा वित्त अर्थ राज्यमन्त्री पंकज चौधरी, राज्यका वित्तमन्त्री र वरिष्ठ अधिकारीहरुको सहभागिता रहेको थियो। यस बैठकमा राज्यहरूले आर्थिक वर्ष २०२१-२२ को लागि जीएसटी क्षतिपूर्तिको गलत गणनाको मुद्दा उठाए। यस बैठकअघि सीतारामनले पेट्रोलियम पदार्थलाई जीएसटीअन्तर्गत ल्याउनका लागि राज्यहरूले सहमतिमा पुग्न आवश्यक रहेको बताएकी थिइन्।

जीएसटी काउन्सिलको बैठकमा धेरै उत्पादनहरूमा जीएसटी घटाउने निर्णय गरिएको छ। तरल गुड़ (तरल गुळ/राब) मा जीएसटी १८ प्रतिशतबाट शून्य प्रतिशतमा घटाइएको छ। अर्कोतर्फ, यदि यो पूर्व प्याकेज र लेबल गरिएको छ भने पाँच प्रतिशत जीएसटी लगाइनेछ। यसका साथै पेन्सिल शार्पनरमा पनि जीएसटी घटाइएको छ। पेन्सिल र शार्पनरमा जीएसटी दर १८ प्रतिशतबाट घटाएर १२ प्रतिशत गरिएको छ। जीएसटी काउन्सिलको बैठकमा पान मसाला र गुटखामाथि पनि ठूलो निर्णय गरिएको छ। अब पान मसाला र गुटखा उत्पादनअनुसार जीएसटी लाग्नेछ। यसमा क्षमतामा आधारित कर लागु हुनेछ। वित्तमन्त्रीले जीएसटी काउन्सिलको अर्को बैठकमा बाजराबारे छलफल गरिने बताइन्।