१८ फरवरीः भारतीय क्रिकेट टीमका अलराउण्डर रविन्द्र जडेजाले दिल्ली टेस्ट म्याचमा ३ विकेट हासिल गर्नको साथै टेस्ट क्रिकेटमा एउटा असाधारण उपलब्धिलाई हासिल गरे। जडेजाको नाममा अहिले टेस्ट प्रारूपमा २५० विकेट अनि २५०० भन्दा अधिक रन रहेको छ। यस्तो अद्भूत डबल पूरा गर्ने उनी भारतका सबैभन्दा तेज खेलाड़ी हुन्। जडेजा अहिले आईसीसी टेस्ट अलराउण्डरहरूका ऱ्याङकिंगमा शीर्ष स्थानमा रहेका छन्। उनले दोस्रो टेस्ट म्याचको पहिलो दिन अष्ट्रेलियाई ओपनर उस्मान ख्वाजालाई आउट गर्नको साथै यस उपलब्धिलाई हासिल गरेका छन्। भारतले यसअघि नागपुरमा खेलिएको पहिलो टेस्ट म्याचमा सजिलै जीत हासिल गरेको थियो अनि त्यस टेस्टमा जडेजाले ब्याट र बलको साथ असाधारण प्रदर्शन गरेका थिए। टेस्ट क्रिकेटमा २५० विकेट र २५०० रनको उपलब्धिलाई सबैभन्दा तेज हासिल गर्ने रेकर्ड ईंग्ल्याण्डका महान क्रिकेटर इयान बोथमको नाममा रहेको छ। उनले ५५ वटा टेस्ट म्याचमा यस उपलब्धिलाई हासिल गरेका थिए। यसरी नै जडेजाले शुक्रवार आफ्नो ६२औं टेस्ट म्याचमा यस उपलब्धिलाई हासिल गरे। यस उपलब्धिलाई हासिल गर्ने मामिलामा जडेजाले पाकिस्तानका इमरान खान (६४) र भारतका कपिल देव (६५) जस्ता दिग्गजहरूलाई पनि पछि छोड़े।