नयाँ दिल्ली: एथलेटिक्समा भारतमा नाम कमाएकी अनुभवी बक्सर लैशराम सरिता देवी हिजोआज चर्चामा छिन्। जसको मुख्य कारण उनले हासिल गरेको कुनै कीर्तिमान नभएर उनको बयान हो। सरिताको भनाइले सबैको होश उडायो। उनले ७ फरवरी मङ्गलबार आफू कसरी चरमपन्थी बन्ने बाटोमा थिइन्, तर बक्सिङले उनको जीवनलाई पूर्ण रूपमा परिवर्तन गरिदिएको बताएकी थिइन्। बक्सर सरिता देवी आईआईटी गुवाहाटीको सम्मेलनमा सहभागी भएकी थिइन्। जसमा उनले मणिपुरको चरमपन्थीमा रहेको ९० को दशकका दिनहरू सम्झँदै खेलकुदले आफूलाई चरमपन्थको बाटोमा लाग्नबाट जोगाएको बताए।
सरिताले भनिन्, ‘अतिवादीबाट प्रभावित भएर अतिवादतर्फ लागेकी थिएँ। उनीहरुलाई हतियार दिने गर्थे, तर खेलकुदले मलाई परिवर्तन गरेको छ, र देशको गौरव बढाउन काम गर्न प्रेरित गरेको छ।’ सरिता देवीले उनको घरमा दैनिक ५० जना लडाकुहरु आउने गरेको बताइन्। जसबाट उनी प्रभावित भइन् र उनीहरु जस्तै बन्न चाहन्थिन्। पूर्व विश्व च्याम्पियनले भनिन्, ‘म सानो गाउँमा बस्ने गर्थे र १२–१३ वर्षको हुँदा हरेक दिन उग्रवादीहरू देख्थे। दैनिक करिब ५० जना लडाकू घरमा आउने गर्दथे। म उनीहरूको बन्दुक देख्थे र मनीहरू जस्तै बन्न चाहन्थे।’ सरिताले कुनै बेला आफूले लडाकुका हतियार एक ठाउँबाट अर्को ठाउँमा पुर्याउने गरेको स्वीकारिन।
‘म उनीहरू जस्तै बन्ने सपना देख्थे र मलाई बन्दुकसँग खेल्न मन पर्थ्यो। खेलकुदबाट आफू र देशको नाम चिनाउन सकिन्छ भन्ने मलाई थाहा थिएन’, उनले भनेl एक दिन दाजुले उनलाई कुटपिट गरेपछि उनको जीवन नै बदलियो। ‘म खेलकुदमा प्रवेश गरें र त्यसपछि मैले पहिलो पटक २००१ मा बैंककमा एसियन बक्सिङ च्याम्पियनसिपमा भारतको प्रतिनिधित्व गरें र रजत पदक जितें’, सरिताले भनिन्। यस्तो अवस्थामा जब उनको राष्ट्रिय गान बज्यो र सबैले सम्मान गरे, उनी भावुक भइन्। उनले भनिन्, ‘त्यतिबेला म भावुक भएँ। त्यसपछि मैले सन् २००१ देखि २०२० सम्म धेरै प्रतियोगितामा भाग लिएँ र धेरै पदक जितें। खेलकुदले मलाई परिवर्तन गर्यो। यो यस्तो परिवर्तन हो जुन म हाम्रो देशका युवाहरूमा देख्न चाहन्छुl’
मणिपुरको अमिनगाउँकी ४० वर्षीया सरिता देवीले सन् २००५ को विश्व बक्सिङ च्याम्पियनसिपमा भारतको प्रतिनिधित्व गर्दै स्वर्ण पदक जितेकी थिइन्। यसबाहेक उनी लाइटवेट वर्गमा पनि विश्व च्याम्पियन भइन्। तर, करियरमा अपार सफलताका कारण सरिता देवीलाई सन् २००९ मा अर्जुन अवार्डबाट पनि सम्मानित गरिएको थियो।
About Author
