टीआरआई समाचार

सिलगढी: तृणमूल कांग्रेस बोर्डले नगरपालिकामा सत्तामा आएपछि एक वर्षको लागि ‘टक टु मेयर’को रिपोर्ट कार्ड प्रकाशित गर्‍यो। मेयर गौतम देवले सोमबार पार्टीका नगरसेवकहरुको उपस्थितिमा रिपोर्ट कार्ड जारी गरेका हुन्। त्यसैगरी उपमेयर रञ्जन सरकार, नगरपालिका आयुक्त सोनम वाङ्दी भुटियासहित मेयर काउन्सिल र बरो अध्यक्षको पनि उपस्थिति रहेको थियो। आउँदो दिनमा यो रिपोर्ट कार्ड सर्वसाधारणका लागि उपलब्ध गराइने नगरपालिका स्रोतले जनाएको छ। तर, विपक्षी दलका पार्षदहरु भने कार्यक्रममा अनुपस्थित रहे। गत वर्ष १२ फरवरीमा सत्तामा आएको वर्तमान टाउन बोर्डको सफलता र विकासलाई उजागर गर्ने पनि मेयरले बताए।