अलिपुरद्वार: फेब्रुअरी भनेको “प्रेमको मौसम” हो। यो सिजन प्रेम दिवस अर्थात् भ्यालेन्टाइन डे मात्र नभई साताभर क्यालेन्डर डेमा मनाइन्छ। यसमा रोज डे, चकलेट डे, टेडी डे पर्छन्। यस भ्यालेन्टाइन विकमा आजको पुस्तामा टेडी बियरको फरक–फरक क्रेज देखिएको छ जसको फलस्वरूप व्यवसायीले मनग्य नाफा कमाइरहेका छन्। अलिपुरद्वार जिल्लाको काल्चिनी, मदारीहाट, अलीपुरद्वार, ह्यामिल्टनगञ्जका उपहार दाेकानहरू टेडी बियरले सजिएका छन्। २५० देखि १० हजार रुपियाँसम्म विभिन्न साइजका सुन्दर टेडी बिक्री भइरहेका छन्। तर, अधिकांश खरिदकर्ता २ सय ५० देखि ५ सय रुपियाँसम्मका टेडी बियर किन्न आउने गरेका छन्। टेडी बियरका साथै विभिन्न साइजका मुटुको आकारको तकियाको पनि माग छ। व्यापारीहरू भन्छन्, ‘प्रेम व्यक्त गर्ने एउटै उपहार भनेको टेडी बियर हो। विगत धेरै वर्षदेखि, प्रेम सप्ताह भारतभर धेरै धूमधामका साथ मनाइन्छ। र यस अवसरमा प्रियजनहरू बीच उपहार दिने र प्राप्त गर्ने धेरै हुन्छ। यो अलिपुरद्वारमा पनि मनाइन्छ।