नयाँ दिल्ली: केन्द्रीय सडक यातायात र राजमार्ग मन्त्रालयले एनएच ७१७एको निर्माण र सुधारको लागि ३८० करोडको नयाँ विनियोजन गरेको छ, हिमाली राज्य सिक्किमलाई देशको बाँकी भागसँग जोड्ने वैकल्पिक राजमार्ग तयारी भइरहेको छ। अहिलेसम्म एनएच१० जसले सिलगढी (बङ्गाल) लाई रम्फू (सिक्किम)लाई जोड्ने हिमाली राज्यको प्रमुख राजमार्ग हो। विगत केही वर्षदेखि, नेशनल हाइवेज एण्ड इन्फ्रास्ट्रक्चर डेभलपमेन्ट कर्पोरेशन लिमिटेड (एनएच आईडीसीएल)ले बङ्गालको जलपाईगढी जिल्लाको बागराकोटबाट बङ्गालको कालेबुङ जिल्ला हुँदै सिक्किमको राजधानी गान्तोकसम्म वैकल्पिक राजमार्ग ७१७ए निर्माण गरिरहेको छ।

हालसम्म १६६ किलोमिटर राजमार्गको लागि केन्द्रले लगभग २,४०० करोड रुपियाँ स्वीकृत गरिसकेको छ। बुधबार, केन्द्रीय मन्त्री नितिन गडकरीले सिक्किमको रानीपुल र पाक्योङ बीचको दुई लेनको पक्की कोरिडोर सडकको रूपमा अवस्थित सडकको निर्माण र सुधारका लागि ३८०.५४ करोड रुपियाँ अर्को विनियोजन गरेको घोषणा गरे। हालैका वर्षहरूमा विशेष गरी डोकलाममा भारतीय र चिनियाँ सेनाहरू बीच सन् २०१७ को गतिरोध पछि केन्द्र सरकारले भारत-चीन सीमामा अवस्थित सिक्किममा सडक र रेल पूर्वाधारमा सुधार गर्न जोड दिइरहेको छ। द्रुत र सहज रूपमा सेना र उपकरणहरूको आउजाउका लागि  यस वर्षको अन्त्यसम्ममा महत्वाकांक्षी सेवक-राङ्पो रेल लाइन पूरा गर्ने काम तीव्र गतिमा भइरहेको छl सिक्किमका अन्य रणनीतिक क्षेत्रहरू र राज्य जाने वैकल्पिक राजमार्गहरू जोड्न दुई अन्य राजमार्गहरू एनएच७१७बी र एनएच१० पनि निर्माण भइरहेको छ।