जलपाइगढीः म्यानागढी वार्निश क्षेत्र ट्रयाक्टर मालिक संघको वार्षिक साधारण सभा आइतबार जलपाइगढीको चार वार्निश क्षेत्रमा आयोजित भयो। यस साधारण सभाले पुरानो समिति विघटन गरी नयाँ समिति गठन गरेको थियो। नयाँ समितिमा अध्यक्ष निरद मल्लिक, उपाध्यक्ष रवीन्द्रनाथ बारी, अमलचन्द्र राई, महासचिव माणिक राई, सहसचिव उत्तम राई, बिशु बारी, कोषाध्यक्ष सुशान्त सरकार, परीक्षक सुमन सन्यासी, संयोजक अलक विश्वाससहित ९ सदस्यीय समिति गठन गरिएको छ। साधारणसभामा समितिले आम्दानी र व्ययको विवरण प्रस्तुत गरेको थियो। बैठकमा वार्निश क्षेत्रका सबै ट्याक्टर मालिकहरूको उपस्थिति रहेको थियो। बैठकमा विभिन्न वक्ताले नयाँ समिति गठन र आय–व्यय लेखासम्बन्धी विभिन्न विषयमा सम्बोधन गरेका थिए। यससँगै आगामी दिनमा ट्र्याक्टर चालक वा ट्रकको विशेष हाजिरी राख्ने पनि चर्चा छ।