मुम्बई: बलिउडकी सर्वाधिक चर्चित नायिका प्रियंका चोपडाले अभिनयको क्षेत्रबाट विश्वमै आफ्नो विशेष पहिचान स्थापित गरेकी छन्। सन् २००० मा प्रियंकाले मिस वर्ल्ड सौन्दर्य प्रतियोगिताको उपाधि जितेकी थिइन्, त्यसपछि उनले पछाडि फर्केर हेरिनन्l उनी सफलताको शिखरमा पुगिन्। यतिबेला विश्वभर ख्याती कमाएकी प्रियंकाको दुई दशकअघिको फोटोसुटका तस्वीरहरू निकै भाइरल भइरहेका छन्। शायद यो तस्वीर धेरैले पहिला नदेखेको हुनसक्छ, किनभने यो अउनको मिस वर्ल्डको बेलाको हो। प्रियंका चोपडा सन् २००० मा मिस वर्ल्ड बन्ने क्रममा खिचिएका तस्वीरहरू सामाजिक सञ्जालमा भाइरल भइरहेका छन्। स्टाइलको मामिलामा सधैं चर्चामा रहने प्रियंका यी तस्वीरहरूमा सुन्दर देखिन्छिन्, तर त्यतिबेला उनको फेसन सेन्सको के कुरा गर्दा यी तस्वीरहरूमा बेवाच अभिनेत्रीले बिकिनीमा भारतीय टच पनि दिएकी छिन्। उनले निधारमा बिन्दी लगाएकी थिइन् र हातमा चुराहरू पनि लगाएकी थिइन्। प्रियंकाले ब्रोन्ज मेकअप लगाएर कपाल खुला राखेकी छिन्l प्रियंका समुद्रको छेउमा खैरो रंगको बिकिनीमा रुखको छेउमा पोज दिँदै सुन्दर देखिएकी छिन्। जब प्रियंका २००० मा मिस वर्ल्ड बनिन्, उनी २१ वर्षकी थिइन्। अहिले प्रियंका एक चर्चित अन्तर्राष्ट्रिय स्टार बनेकी छिन्। पप गायक निक जोनससँग विवाह गरेपछि प्रियंका विदेशमा बसेकी छिन्। नयाँ काम बारे चर्चा गर्दा प्रियंका आउँदो हलिउड फिल्म ‘सिटाडेल’, ‘इट्स अल कमिङ ब्याक टु मी’ र ‘एन्डिङ थिंग्स’मा देखिने छन्। उनी फरहान अख्तरको निर्देशनमा बनेको बलिउड फिल्म ‘जी ले जरा’मा पनि कट्रिना कैफ र आलिया भटसँगै देखिनेछिन्।