मुम्बई: महाराष्ट्र गृह विभागले बलिवुड सुपरस्टार सलमान खान र उनका बाबु सलीम खानको सुरक्षा सशक्त गरेको छ। पुलिस उच्च अधिकार  सलमान खानको घर पुगेका छन्। ५ जूनमा सलमान र सलीम खानलाई धम्कीको पत्र पठाइएको थियो, त्यसपछि अज्ञात व्यक्तिविरुद्ध एफआईआर दर्ता गरिएको थियो। सोही क्रममा पुलिसले अनुसन्धान शुरु गरेको छ। गायक सिद्धु मुसेवालाको हत्यापछि सलमान खानको सुरक्षामा सशक्त बनाइएको छ। गायकको हत्या लरेन्स बिश्नोई गिरोहसँग जोडिएको खबरका कारण सलमानलाई पनि खतरा रहेको बताइएको छ। सिद्धुको हत्या भएको छ दिनपछि आइतबार बिहान करिब ८ बजे सलीम खानलाई धम्कीको नोट प्राप्त भयो। सलीम खान प्रायः जगिङ गर्न बाहिर जान्छन्। लेखक-फिल्म निर्माताले आफू हिड्ने ठाउँको बेन्च एउटा पत्र फेला पारेl उक्त पत्र सलमान खानको नाम रहेको बताइएको छ। घटना पछि खान परिवारले मुम्बई पुलिसलाई सम्पर्क गर्यो र यस मामिलामा आधिकारिक एफआईआर दर्ता गरिएको छ।