रंगबुल फूटबल एकाडमीको तत्त्वावधानमा आयोजित ओपन नक्आउट फूटबल टुर्नामेण्टमा अजम्बरी रंगबुलले फाइनलमा स्थान बनायो। रंगबुल खेल मैदानमा मंगलवार भएको पहिलो सेमिफाइनल म्याचमा अजम्बरी रंगबुलले युनाइटेड खरसाङ फूटबल क्लब (यूकेएफसी)-लाई ३-०-ले पराजित गऱ्यो। विजेता टीमबाट रोनित राई, नयन प्रधान र धनराज (वांगचुक) तामाङले गोल गरे। रोनित राईलाई प्लेयर अव् द म्याच चयन गरियो। यस टुर्नामेण्टमा जम्मा २० वटा टीमलाई स्थान दिइएको छ। फाइनल २९ जनवरीमा खेलिनेछ। यस सेभेन ए साइड टुर्नामेण्टमा च्याम्पियन हुने टीमलाई ट्रफीको साथमा १.५ लाख रुपियाँको नगद पुरस्कार प्रदान गरिनेछ। यसरी नै रनरअप् हुने टीमलाई ट्रफीको साथमा ७५ हजार रुपियाँको नगद पुरस्कार प्रदान गरिनेछ।