नयाँ दिल्ली: रेस्लिङ फेडेरेसन अफ् इण्डिया (डब्ल्युएफआई) का अध्यक्ष, अन्य अधिकारीहरू र प्रशिक्षकहरूद्वारा यौन दुर्व्यवहार भएको उजुरी कुस्ती खेलाडीहरूबाट आएपछि अनि एथलिटहरूद्वारा वित्तीय अनियमितता र मनमानीको आरोपहरू पछि डब्ल्यूएफआईमा सुशासनलाई प्रवर्द्धन गर्नका लागि खेल मन्त्रालयले जाँचको लागि जाँच समिति गठन गरेको छ। जाँच समितिले अनुसन्धानको क्रममा डब्ल्युएफआईले दैनिक प्रशासन पनि सम्हाल्नेछ।

खेल रत्न पुरस्कारद्वारा सम्मानित एथलिट आयोगकी अध्यक्ष एम.सी. मेरी कोम, आईओए कार्यकारी परिषद सदस्य खेल रत्न पुरस्कारद्वारा सम्मानित योगेश्वर दत्त, मिसन ओलम्पिक सेल सदस्य एवं ध्यान चन्द पुरस्कारले सम्मानित तृप्ति मुरगुंडे, भारतीय खेलकुद प्राधिकरण टीएम्सकी पूर्व कार्यकारी निर्देशक राधिका श्रीमान, टारगेट ओलम्पिक पोडियम योजना सदस्य पूर्व सीईओ सीआरडी राजेश राजगोपालन (सेवानिवृत्त) ले जाँच समितिको नेतृत्व गर्नेछन्। जाँच समितिले ४ हप्ताभित्र छानविन पूरा गर्नेछ। यसका साथै, मन्त्रालयले अर्को सञ्चार नभएसम्म तत्काल प्रभावबाट डब्ल्युएफआईको दैनिक क्रियाकलापको व्यवस्थापनबाट अलग हुन डब्ल्युएफआईको कार्यकारी समितिलाई निर्देशन दिएको छ। -पीआईबी