रंगबुल फूटबल एकाडमीको तत्त्वावधानमा आयोजित ओपन नक्आउट फूटबल टुर्नामेण्टमा जलपाइगढ़ीको बलराम स्पोर्टिंग क्लबले सेमिफाइनलमा स्थान बनायो। रंगबुल खेल मैदानमा शनिवार भएको क्वार्टर फाइनल म्याचमा बीएसके-ले घैयाबारी युनाइटेडलाई ५-०-ले पिट्यो। विजेता टीमबाट नापोलियोनले २ गोल गरे। यसबाहेक मार्टिन, सत्यम शर्मा र यानिकले १-१ गोल गरे। यानिकलाई प्लेयर अव् द म्याच चयन गरियो। यस टुर्नामेण्टमा जम्मा २० वटा टीमलाई स्थान दिइएको छ। दुईवटा सेमिफाइनल २४ र २७ जनवरीमा हुनेछ। यसरी नै फाइनल २९ जनवरीमा खेलिनेछ। यस सेभेन ए साइड टुर्नामेण्टमा च्याम्पियन हुने टीमलाई ट्रफीको साथमा १.५ लाख रुपियाँको नगद पुरस्कार प्रदान गरिनेछ। यसरी नै रनरअप् हुने टीमलाई ट्रफीको साथमा ७५ हजार रुपियाँको नगद पुरस्कार प्रदान गरिनेछ।