पुरातत्वविद्हरूको अन्तर्राष्ट्रिय समूहले इराकको कुर्दिस्तान क्षेत्रमा ३४०० वर्ष पुरानो शहर फेला पारेका छन्। हजारौं वर्ष पुरानो यो शहर टाइग्रिस नदीमुनि फेला परेको छ। पुरातत्वविद्हरुले हालै यसबारे जानकारी दिएका छन्। पुरातत्वविद्हरूको समूहले इराकको टाइग्रिस नदीको मुनिबाट ३,४०० वर्ष पुरानो शहरको धेरै अवशेषहरू फेला पारेको बताएको छ, जुन १४७५ ईसा पूर्व र १२७५ ईसापूर्व बीच मितान्नी साम्राज्यले बसाएको थियो। टाइग्रिस नदीको किनारमा रहेको मोसुल बाँधमा पानी कम भएका कारण यो शहरको खोज सम्भव भएको हो। फेला परेको अवशेषमा माटोको इँटाका पर्खाल, धेरै टावर, बहुमंजिला भवन र अन्य ठूला संरचनाहरू छन्। जसले मितान्नी साम्राज्यको यो पुरानो शहरको बारेमा जिज्ञासा पैदा गर्छ।

यसले जाखिकु यस साम्राज्य भित्रको व्यापारिक केन्द्र हुने सम्भावनालाई पनि जोड दिन्छ। पुरातत्वविद् डा. इभाना पुल्जिजले बाक्लो माटोको पर्खालले भवनहरू सावधानीपूर्वक डिजाइन गरिएको बताइन्। यहाँबाट १० थान माटोको चक्की पनि फेला परेको छ। क्युनीफर्म एक प्राचीन लेखन शैली हो। हाल यसलाई अनुवादका लागि पठाइएको छ। चाखलाग्दो कुरा के छ भने, डुबेको बावजुद शहरको माटो-इँटा पर्खालहरू चमत्कारपूर्ण रूपमा राम्रोसँग संरक्षित गरिएको थियो। सन् १९८० को प्रारम्भमा यहाँ मोसुल बाँध निर्माण गर्दा यो शहर गाडिएको थियो। तर खडेरीका कारण फेरि सतहमा आएको छ। रिपोर्टका अनुसार डुब्नु अघि पुरातत्वविद्हरूले यस साइटको राम्रोसँग अनुसन्धान गरेका थिएनन्। तर, पुरानो शहरको एक भाग दिसम्बरदेखि यस क्षेत्रमा खडेरीको बीचमा फेरि सतहमा फर्किएको छ। पुरातत्वविद्हरुका अनुसार यो खोज पछि मित्तानी साम्राज्यको बारेमा थप जानकारी आउनेछ। उनले हालैका दशकहरूमा यसलाई महत्त्वपूर्ण पुरातात्विक खोजको रूपमा वर्णन गरे।