सिलगढी: सिलगढी सूर्यनगर समाज कल्याण संस्थानद्वारा १४औं मोबाइल रक्तदान शिविर महोत्सव आयोजित गरियो। रक्तदान जीवनदानको सन्देशसहित सिलगढी सूर्यनगर समाज कल्याण संस्थानले २४औँ रक्तदान शिविर महोत्सव आयोजना गरेको छ। सर्वसाधारणलाई रक्तदान गर्न प्रोत्साहित गर्न २४औँ रक्तदान शिविर महोत्सवको बिहीबार रंगारंग जुलुसका साथ औपचारिक उद्घाटन गरिएको छ। सिलगढीको बाघजातिन मैदानबाट सुरु भएको जुलुसले शहरका विभिन्न गल्ली परिक्रमा गरेको थियो। सिलगढी सूर्यनगर समाज कल्याण संस्थानका सदस्यहरू र शहरका एनसीसी सदस्यहरू सहित विभिन्न स्वैच्छिक संस्थाहरूले रक्तदानको लागि जुलुसमा भाग लिए। यसका साथसाथै सिलगढीका डेपुटी मेयर रञ्जन सरकार र मेयर परिषदले पनि रक्तसंकट हटाउन र आम जनतालाई रक्तदान गर्न प्रोत्साहित गर्न जुलुसमा भाग लिएका थिए।

संगठनका महासचिव आशिष ब्रह्मले विगत २३ वर्षदेखि घुम्ती रक्तदान शिविर आयोजना गर्दै आएको र यो वर्ष २४औं वर्षमा प्रवेश गरेको बताए। तिनको मोबाइल रक्तदान शिविर महोत्सव २६ जनवरीसम्म सिलगढीमा मात्र नभई उत्तर बंगालका विभिन्न जिल्लाहरूमा पनि चल्नेछ। समयसँगै जनसङ्ख्या बढ्दै गएको र रगतको आवश्यकता पनि बढ्दै गएकाले आफ्नो रक्तदानको यो कार्यलाई निरन्तरता दिने उनले बताए।