रंगबुल फूटबल एकाडमीको तत्त्वावधानमा आयोजित ओपन नक्आउट फूटबल टुर्नामेण्टमा घुम जोरबंग्लो स्पोर्टिंग क्लबले प्री क्वार्टर फाइनलमा स्थान बनायो। रंगबुल खेल मैदानमा बुधवार भएको म्याचमा घूम जोरबंग्लो स्पोर्टिंग क्लबले दार्जीलिङ डायनामोलाई ३-१ पराजित गऱ्यो। विजेता टीमबाट सौरभ बराईलीले २ अनि कर्मा शर्पाले १ गोल गरे। यसरी नै दार्जीलिङ डायनामोबाट प्रीतम सुब्बाले १ गोल गरे। एरोज थापालाई प्लेयर अव् द म्याच चयन गरियो। यस टुर्नामेण्टमा जम्मा २० वटा टीमलाई स्थान दिइएको छ। दुईवटा सेमिफाइनल २४ र २७ जनवरीमा हुनेछ। यसरी नै फाइनल २९ जनवरीमा खेलिनेछ। यस सेभेन ए साइड टुर्नामेण्टमा च्याम्पियन हुने टीमलाई ट्रफीको साथमा १.५ लाख रुपियाँको नगद पुरस्कार प्रदान गरिनेछ। यसरी नै रनरअप् हुने टीमलाई ट्रफीको साथमा ७५ हजार रुपियाँको नगद पुरस्कार प्रदान गरिनेछ।