रेलिङ्ग युनाइटेड एसोसिएशनको तत्त्वावधानमा आयोजित रेलिङ्ग च्याम्पियन्स ट्रफी फूटबल टुर्नामेण्टको तेस्रो सीजनमा कालेबुङ पुलिसले क्वार्टर फाइनलमा स्थान बनायो। शनिवार खेलिएको म्याचमा कालेबुङ पुलिसले दार्जीलिङ पुलिसलाई २-१-ले पराजित गऱ्यो। विजेता टीमबाट दुवै गोल अनिवेश गुरुङले गरे। यसरी नै दार्जीलिङ पुलिसबाट प्रीतम सुब्बाले १ गोल गरे। कालेबुङ पुलिसका प्रवेश रोयलाई प्लेयर अव् द म्याच चयन गरियो। टुर्नामेण्टमा जम्मा १६ वटा नामी-दामी टीमहरूलाई प्रवेश दिइएको छ। दुईवटा सेमिफाइनल २१ र २२ जनवरीमा खेलिनेछ। यसरी नै फाइनल २५ जनवरीमा हुनेछ। यस सेभेन ए साइड नक्आउट टुर्नामेण्टमा च्याम्पियन हुने टीमलाई आकर्षक ट्रफीको साथमा ३ लाख रुपियाँको नगद पुरस्कार प्रदान गरिनेछ। यसरी नै रनरअप् हुने टीमलाई आकर्षक ट्रफीको साथमा २ लाख रुपियाँको नगद पुरस्कार प्रदान गरिनेछ।