ठूलो परिमाणमा लागुऔषध बनाउने सामाग्री बरामद

मालदा। प्रहरीले कालियाचक क्षेत्रमा लागुऔषध बनाउने कारखाना फेला पारेको छ। कालीचक प्रहरी चौकी इलाकाको श्रीरामपुरमा बाँसको थुप्रोमा ठूलो परिमाणमा लागुऔषध लुकाएर राखेको प्रहरीले बरामद गरेको छ। यस घटनामा प्रहरीले तीन जनालाई पक्राउ गरी सोधपुछ गरिरहेको छ। यस क्षेत्रमा ब्राउन सुगर जस्ता लागूऔषध उत्पादनको कारोबार चलीरहेको प्रहरीको प्रारम्भिक अनुमान छ। तर, यस घटनामा संलग्न कसैलाई पनि छानबिन गर्ने प्रहरी अधिकारीले प्रष्ट पार्न सकेका छैनन्। प्रहरीले यस घटनामा संलग्न अपराधीहरुको खोजी सुरु गरेको छ। प्रहरी स्रोतका अनुसार श्रीरामपुर क्षेत्रको बाँसबारीको सुनसान क्षेत्रमा जमिनमुनिबाट लागुऔषध बनाउने सामाग्री बरामद भएको हो। बरामद सामग्रीमा ४० बोतल एसिटाइल क्लोराइड, २ वटा २.३ साइजको प्लाष्टिक कन्टेनर, सोडियम सल्फेट एनहाइड्रस १८२ केजी, केही केमिकल कम्पाउण्ड, कपडा, जमकोड ५०० ग्रामको बोतल १० थान, केही स्टिलका भाँडा, सेतो कपडा, ८ थान बाँसका टोकरी रहेका छ। साथै १० वटा प्लाष्टिक मगसहित ठूलो परिमाणमा अन्य सामग्री पनि बरामद भएको छ। उल्लेखनीय छ, कालियाचकका विभिन्न क्षेत्रमा विभिन्न प्रकारका हतियार बनाउने कारखाना रहेको प्रहरीले जानकारी दिएको छ। प्रहरीले ती हतियार कारखानामा छापा मारेर अपराधीलाई पक्राउ गर्न थालेको छ। तर, प्रहरीले पहिलो पटक यस्तो सानो आकारको लागुऔषध कारखानाको सुराग पाएको हो। गोप्य स्रोतबाट सूचना पाएपछि प्रहरीले बाँस बगानको सुनसान क्षेत्रमा छापा मारेर त्यहाँबाट करिब २० मिटरको क्षेत्रमा माटो खनेर लागुऔषध बनाउन प्रयोग हुने सामग्री एकपछि अर्को गर्दै बरामद गरेको हो। यस किसिमको लागुऔषध कारोबार कसले गरिरहेको छ भनी पत्ता लगाउन कालियाचक प्रहरी चौकीले तीव्र अभियान थालेको छ।

प्रारम्भिक अनुसन्धानपछि लागुऔषध कारोबारीले यी रसायनबाट ब्राउन सुगर बनाउने गरेको प्रहरीको अनुमान छ। घटनामा संलग्नलाई पक्राउ गर्न गहन खोजी सुरु गरिएको छ। यस घटनामा प्रहरीले तीन जनालाई पक्राउ गरी अनुसन्धान सुरु गरेको छ। मालदाका प्रहरी उपरीक्षक प्रदीप कुमार यादवले कालियाचक प्रहरी चौकीले घटनाको सम्पूर्ण अनुसन्धान सुरु गरेको बताए।