लोप्चु गेम्स एण्ड स्पोर्टस एसोसिएशन (एलजीएसए)-को तत्त्वावधानमा आयोजित सशिता छेत्री स्मृति नक्आउट खुल्ला नक्आउट फूटबल टुर्नामेण्टको तेस्रो संस्करणमा एके गान्तोकले सजिलै जीत हासिल गरी क्वार्टर फाइनलमा स्थान बनायो। लोप्चु जनमैदानमा सोमवार भएको म्याचमा एके गान्तोकले सोरेंग फूटबल क्लबलाई ७-२-ले पराजित गऱ्यो। विजेता टीमबाट गणेश छेत्री एक्लैले ५ गोल गरे। यसबाहेक अवनिश राई र रिचि प्रधानले गोल गरे। सोरेंग एफसी-बाट बरदान तामाङ र प्रवेश तामाङले गोल गरे। विजेता टीमका गणेश छेत्रीलाई प्लेयर अफ द म्याच चयन गरियो। टुर्नामेण्टमा जम्मा १६ वटा टीमलाई स्थान दिइएको छ। दुईवटा सेमिफाइनल ११ र १२ जनवरीमा हुनेछ। यसरी नै फाइनल १५ जनवरीमा खेलिनेछ। यस सेभेन ए साइड नक्आउट टुर्नामेण्टमा च्याम्पियन हुने टीमलाई सशिता छेत्री स्मृति विनर्स ट्रफीको साथमा १,२०,००० रुपियाँको नगद पुरस्कार प्रदान गरिनेछ। यसरी नै रनरअप् हुने टीमलाई आकर्षक ट्रफीको साथमा ६०,००० रुपियाँको नगद पुरस्कार प्रदान गरिनेछ।