वासिङ्टन: अहिलेसम्म पृथ्वीका विभिन्न भागमा एलियन वा यूएफओ देखेको दाबी गरिएको छ। अब यी दाबीको आधारमा नयाँ दाबी अघि आएको छ। दाबीअनुसार यस्तो भनिएको छ, सन् २०२३ त्यो वर्ष हो जब एलियनहरू अन्ततः पृथ्वीमा अवतरण हुनेछन्। विभिन्न व्यक्तिहरूले लण्डन, लस भेगास र ब्राजिलमा यूएफओहरू देखेको दाबी गरेका छन्। तर, यी दाबीमा कति सत्यता छ भन्न गाह्रो छ। हालसम्म विश्वमा एलियनसँग सम्बन्धित कुनै दाबी पुष्टि भएको छैन। तर ‘यूएफओ हन्टर’ म्याट वेल्स भन्छन् ‘एलियनहरूले हामीलाई सन्देशहरू पठाइरहेका छन्’।

डेलीस्टारको समाचारअनुसार वेल्सले भने, ‘मलाई विश्वास छ, हामीले सोचेभन्दा धेरै पहिले एलियनहरू पृथ्वीमा आएको देख्न सक्छौं।’ लस भेगास, पेरिसको एफिल टावर, ब्राजिल, चिली र जापानको आकाशमा केही ‘असामान्य घटना’ देखिएका छन्। यसबारे म्याट भन्छन्, ‘विश्वका केही प्रसिद्ध ठाउँहरूमा यी घटनाहरू लगातार देखिने र रिपोर्ट भइरहेका छन्।’ धेरै संख्यामा युएफओ शिकार समूह, जसको एकअर्कासँग कुनै सम्बन्ध छैन, एउटै कुरा रिपोर्ट गर्दैछन्।’ यद्यपि, म्याटसँग आफ्नो दावीलाई समर्थन गर्न कुनै वैज्ञानिक प्रमाण छैन। तर यस्तो दाबी गर्ने उनी मात्र होइनन्। एथोस सलोमे नामक एक ‘स्व-घोषित भविष्यवक्ता’ले पनि यस्तै दाबी गरे। सलोमेले भनेका थिए, एलियनहरू अमेरिकाको शीर्ष-गुप्त एरिया-५१ एयर बेसमा अवस्थित भूमिगत पोर्टलबाट बाहिर आउन सक्छ।

३६ वर्षीय एथोस सलोमेलाई ‘आजको नोस्ट्राडेमस’ भनिन्छ। सलोमेका धेरै भविष्यवाणीहरू पनि सत्य साबित भएका छन्। कोरोना महामारी होस् वा इंग्ल्याण्डकी महारानी एलिजाबेथ द्वितीयको निधन होस्, उनले धेरै विश्वव्यापी घटनाका बारेमा बताइसकेका छन्। युक्रेन युद्ध पनि एथोस सलोमे द्वारा भविष्यवाणी गरिएको थियो। अमेरिकी अन्तरिक्ष एजेन्सी नासाले जुनमा घोषणा गर्‍यो कि यो युएफओमा आफ्नो पहिलो अध्ययन शुरु गर्दैछ।