सिलगढी: फ्रान्समा बनेको बुलेटप्रुफ जारमा भरेर करोडौं रुपियाँको सर्पको विष तस्करी गर्ने योजनालाई वन विभागले विफल पारेको छ। घटनामा २ जना पक्रा परेका छन्। पक्रा परेका ४८ वर्षीय कलिमुद्दीन अन्सारी इस्लामपुर खुदिरामपल्लीका र ४१ वर्षीय जुबैर खान आन्ध्र प्रदेशका हुन्। बङ्गलादेशबाट सर्पको विषलाई सिसाको भाँडोमा भरेर भारत हुँदै नेपाल ल्याइने गरेको आशंका गरिएको छ। खरसाङ वन विभागको घोषपुकुर रेन्जले बिहीबार राति फणसीदेवा ब्लकको विधाननगरको मुरलीगञ्ज क्षेत्रबाट मोटरसाइकल बरामद गरेको हो। उनको झोलाको खोजी गर्दा त्यहाँबाट सर्पको विषले भरिएको जार बरामद भएको थियो।

घोषपुकुर रेन्ज, ४१ अर्ब रानीडंगाका एसएसबी जवान र वन्यजन्तु अपराध नियन्त्रण ब्यूरोले गुप्तचरको आधारमा उक्त क्षेत्रमा संयुक्त अपरेशन शुरु गरेको हो। आरोपीबाट सर्पको विषले भरिएको सिसाको भाँडा बरामद भएको छ। पक्रा परेकाहरुलाई घोषपुकुर रेन्जमा ल्याइएको छ। वनकर्मीसँगको सोधपुछमा उनले सर्पको विष तस्करी गरेको तथ्य स्वीकार गरेका छन्। पक्रा परेकाहरुलाई हिरासतमा राख्न अदालतमा पठाइएको खरसाङका एडीएफओ भूपेन विश्वकर्माले बताए। मालदाबाट सर्पको विष ल्याइएको थियो। यस गिरोहमा अरु को को संलग्न छन् भन्ने विषयमा वन विभागले अनुसन्धान गरिरहेको छ।