मुम्बई: जेम्स क्यामरुनको फिल्म ‘अवतार २’ को मानिसहरु लामो समयदेखि उत्सुकताका साथ पर्खिरहेका थिए। अहिले फिल्म रिलिज भएसँगै हलमा भीड लागेको छ। त्यसैको परिणाम ‘अवतारः द वे अफ वाटर’ ले रिलिजको दिन अर्थात ओपनिङ डेमा नै कीर्तिमानी कमाइ गरेको छ । १६ दिसम्बरमा रिलिज भएको ‘अवतार २’ले ४१ करोड कमाएको थियो। पहिलो दिन जहाँ ‘अवतार २’ले हालै रिलिज भएका धेरै साउथ फिल्महरूको रेकर्ड तोड्यो, त्यहाँ हलिउडका केही पछिल्ला रिलिजहरूलाई पनि पछाडि छोड्यो। दोस्रो दिन पनि ‘अवतार २’ ले बक्स अफिसमा धमाका जारी राखेको छ।
‘अवतार २’ले पहिलो दिन ४१ करोड कमाएको थियो भने दोस्रो दिन ४०.५० करोड मात्रै कमाउन सकेको छ। अर्थात् दोस्रो दिन फिल्मले कमाईमा खासै बृद्धि गर्न सकेको छैन। एनिमेसन र जबरदस्त भिएफएक्सले भरिपूर्ण ‘अवतार २’ २५ करोड डलर अर्थात १९०० करोडको बजेटमा तयार गरिएको हो। यो बजेटको तुलनामा ‘अवतार २’ ले दुई दिनमा खासै कमाइ गर्न सकेको छैन। बक्स अफिस इन्डियाको रिपोर्टका अनुसार यसको कारण निजाम सर्किट अर्थात् आन्ध्र प्रदेश र केरलाको कम कमाई हो। यी दुई सर्किटमा ‘अवतार २’ को कमाई ३.५० करोडले घटेको छ। योसँगै ‘अवतार २’ ले मुम्बई र उत्तर भारतलगायत अन्य क्षेत्रमा राम्रो प्रदर्शन गरेको छ।
हिन्दी सर्किटमा ‘अवतार २’ले शुक्रबार १८ करोड कमाएको थियो भने शनिबार ५ प्रतिशतले वृद्धि भएको थियो। शनिबार ‘अवतार २’ले हिन्दी सर्किटमा २१ करोड भारतीय रुपियाँ संग्रह गरेको छ। दुई दिनमै ‘अवतार २’ ले बक्स अफिसमा ८० करोडभन्दा बढी कमाइ गरेको छ। आइतबार अर्थात १८ दिसम्बरको कलेक्शनपछि सय करोडको आँकडा पार गर्ने अनुमान गरिएको छ। शुक्रबार एक दिनमा ४१ करोड रुपियाँ, शनिबार दुई दिनमा ४०.५० करोड रुपियाँ, जम्मा कुल सङ्कलन दुई दिनमा ८१.५० करोड रुपियाँ भएको छl
About Author
