भारतीय गोर्खा प्रजातान्त्रिक मोर्चा, कालीझोड़ा शाखाको तत्त्वावधानमा आयोजित गोपाल प्रधान स्मृति विनर ट्रफी अनि शहीद उत्तम प्रधान स्मृति रनर अप् ट्रफी ओपन नक्आउट फूटबल टुर्नामेण्टमा लाटपञ्चर युनाइटेडले क्वार्टर फाइनलमा स्थान बनायो। कालीझोड़ा फूटबल मैदानमा शनिवार भएको म्याचमा लाटपञ्चर युनाइटेडले माकुम युनाइटेडलाई ३-२-ले पराजित गऱ्यो। विजेता टीमबाट अनिकेत राई, अनुपम राई र सायत खवासले गोल गरे। यसरी नै माकुम युनाइटेडबाट प्रेम लेप्चा र ओंगदेन लेप्चाले गोल गरे। टुर्नामेण्टमा जम्मा २८ वटा टीमलाई स्थान दिइएको छ। दुईवटा सेमिफाइनल २७ र २८ दिसम्बरमा हुनेछ। यसरी नै फाइनल ३१ दिसम्बरमा खेलिनेछ। यस सेभेन ए साइड फूटबल टुर्नामेण्टमा च्याम्पियन हुने टीमलाई आकर्षक विनर ट्रफीको साथमा १ लाख रुपियाँको नगद पुरस्कार प्रदान गरिनेछ। यसरी नै रनरअप् हुने टीमलाई आकर्षक विनर ट्रफीको साथमा ५० हजार रुपियाँको नगद पुरस्कार प्रदान गरिनेछ। यसको साथमा एकाधिक आकर्षक व्यक्तिगत नगद पुरस्कार र ट्रफीहरू पनि रहनेछ।