कोलकाता: २८औं कोलकाता अन्तर्राष्ट्रिय फिल्म महोत्सव बिहीबार रंगीन शुरु हुनेछ। नेताजी इन्डोर स्टेडियममा आयोजित उद्घाटन कार्यक्रममा गभर्नर डा सीवी आनन्द बोस प्रमुख अतिथि हुनेछन्। मुख्यमन्त्री ममता ब्यानर्जीले उद्घाटन समारोहको अध्यक्षता गर्नेछिन्। कार्यक्रममा अभिनेता अमिताभ बच्चन र शाहरुख खानले आफ्नो प्रस्तुति दिनेछन्। उद्घाटन कार्यक्रममा विशेष अतिथि सौरभ गांगुली, प्रख्यात अतिथि चलचित्र निर्देशक महेश भट्ट, शत्रुघ्न सिन्हा, विशेष अतिथि अभिनेत्री जया बच्चन, रानी मुखर्जी, गायक कुमार सानु, अरिजित सिंहको उपस्थिति रहनेछ। ओपनिङ फिल्म ‘अभिमान’ हो जसमा अमिताभ बच्चन र जया बच्चनले अभिनय गरेका छन्। समाचारअनुसार फिल्म फेस्टिभलमा शाहरुख खान र अमिताभ बच्चनलाई गेस्ट अफ अनरको रुपमा सम्मान गरिने भएको छ। यो चलचित्र महोत्सव डिसेम्बर २२ सम्म चल्नेछ। समाचारअनुसार १० स्थानमा प्रसारण हुने १७८ चलचित्रसहित २१५ शो हुनेछन्।