कुचबिहार- बिहीबार कुचबिहारको पुन्दीबाडीमा सडक जाम भएको भन्दै स्थानीयवासीले ठुलो हङ्गामा मच्चाएका छन्। बिहीबार दिउँसो स्थानीय बासिन्दाले सडक मर्मतको माग गर्दै कुचबिहारको ब्लक २ को पुन्दीबाडी बजार क्षेत्रमा सडक अवरुद्ध पारेर विरोध प्रदर्शन गरेका थिए। कुचबिहारको ब्लक २ पुण्डीबारीको सुखनदिघी सडक लामो समयदेखि जीर्ण अवस्थामा रहेको आरोप छ। प्रशासनलाई पटक–पटक जानकारी दिँदा पनि कुनै फाइदा नभएपछि त्यस क्षेत्रका सबै महिला पुरुष मिलेर सडक अवरुद्ध गरेर विरोध प्रदर्शन गर्न बाध्य भएका छन्। घटनाको खबर पाएर पुण्डीबारी प्रहरी चौकी घटनास्थलमा पुगेर स्थिति नियन्त्रणमा लिने प्रयास गरेको थियो। त्यसपछि प्रहरीले बलपूर्वक नाकाबन्दी हटाएपछि प्रदर्शनकारीसँग प्रहरी झडप भएको थियो। प्रहरीले घटनास्थलबाट दुइजनालाई नियन्त्रणमा लिएर प्रहरी चौकीमा ल्याएको छ र आन्दोलनकारीलाई घटनास्थलबाट हटाएको छ। तर, पछि जामरहरूले बीडीओ कार्यालयमा गएर विरोध गरे। त्यसपछि प्रहरीले पक्राउ परेका दुवैलाई रिहा गरेको थियो।