लिमा: जापानी अनुसन्धानकर्ताले ल्याटिन अमेरिकी देश पेरुको नाज्का मरुभूमिमा १६८ वटा विशाल रेखाचित्र (जियोग्लिफ) फेला पारेका छन्। यी अत्यन्त रहस्यमय चित्रहरू कसले बनाएको भन्ने खुलाइएको छैन। धेरैले यसलाई एलियनसँग जोडेर पनि हेरिरहेका छन्। जापानको यामागाटा विश्वविद्यालयका अनुसन्धानकर्ताहरूको टोलीले मानिस, चराचुरुङ्गी, किलर ह्वेल, माछा, सर्प, बिरालो आदिका १६८ विशाल चित्रहरू फेला पारेका छन्। पेरुमा १६८ भर्खरै फेला परेका विशाल चित्रहरू १०० ईसा पूर्व र ३०० ईस्वी बीच बनाइएका थिए।
विज्ञहरूका अनुसार केही नाज्का रेखाहरू ४०० ईसापूर्वको हो। यामागाता युनिभर्सिटीले सार्वजनिक गरेको पछिल्लो खोजका तस्बिरमा समयसँगै केही निशान मेटिएको देखिन्छ। यामागाटा युनिभर्सिटीले अमेरिकाको आईबीएम थोमस जे वाटसन रिसर्च सेन्टरसँग मिलेर आर्टिफिसियल इन्टेलिजेन्सको सहयोगमा पेरुको सम्पूर्ण पुरातात्विक स्थल स्क्यान गर्न काम गरिरहेको छ। मानव आँखाले देख्न नसक्ने एआईले यस सम्पूर्ण क्षेत्रका तस्विरहरू पहिचान गर्न सक्षम हुने विश्वास गरिन्छ। विश्वविद्यालयले एक विज्ञप्ति जारी गर्दै भनेको छ, ‘हामी भर्खरै फेला परेका विशाल रेखाचित्रहरूको विश्लेषण गर्न एआई प्रयोग गरेर वितरणलाई स्पष्ट गर्न चाहन्छौं। यसको परिणामहरू विशाल रेखाचित्रहरूको संरक्षणमा प्रयोग गरिनेछl’ वास्तवमा, पेरुमा फेला परेका नाज्का रेखाहरूले शताब्दीयौंदेखि पुरातत्वविद्हरूलाई आकर्षित गरेको छ। पेरुमा, जमिन माथि तिनीहरूमध्ये धेरै समूहहरूमा धेरै ठूला चित्रहरू बनाइएका छन्, यी दक्षिणी पेरुको नाजकार मरुभूमिमा छन्।
युनेस्कोले यसलाई विश्व सम्पदा क्षेत्रको सूचीमा समावेश गरेको छ। राजधानी लिमा देखि ४०० किमीको दूरीमा स्थित छ। पुरातात्विक सर्वेक्षणले पहिले नै पत्ता लगाएको छ कि पुरातन मानिसहरूले सर्वेक्षणमा प्रयोग हुने सरल उपकरण र चीजहरूको मद्दतले यसलाई निर्माण गरेका थिए। पहिचान गरिएका तस्वीरहरूमा कुकुर, मानवीय चरा, बाँदर, माकुरा आदि पर्छन्। नाजकाई रेखाहरू मूल रूपमा सेतो जमिन माथि ल्याउन जमिनमा राखिएको कालो वा रातो रंगको ढुङ्गा हटाएर बनाइएको थियो। यी १६८ नयाँ विशाल चित्रहरू थपिएसँगै तिनीहरूको कुल संख्या अब ३५८ पुगेको छ। सयौं स्केचहरू अझै पत्ता नलागेको विश्वास गरिन्छ। नाज्का ८ लाईन पहिलो पटक सन् १९३९ मा पाइलटले पत्ता लगाएका थिए। उनी यही क्षेत्रबाट गुज्रिरहेका थिए।
About Author
