कोलकाता: भाजपानेता शुभेन्दु अधिकारीको आसनसोलमा भएको कम्बल वितरणको कार्यक्रममा कम्बल लिन गएका मानिसहरूको भीड यति ठूलो थियो कि भागदौड मच्चियो। मृत्यु हुनेमा एक बालक पनि रहेका छन्। कार्यक्रममा विपक्षी दलका नेता तथा भाजपा विधायक शुभेन्दु अधिकारीको उपस्थिति थियो। मञ्चबाट बाहिरिने बित्तिकै मानिसहरुको भीड अनियन्त्रित भएको बताइएको छ। कार्यक्रमका लागि अनुमति नदिएको पुलिसको भनाइ छ। तृणमूल कांग्रेसका प्रवक्ता कुणाल घोषले यो सम्पूर्ण घटनालाई लिएर शुभेन्दु अधिकारीलाई निशाना बनाएका छन्। कुनाल घोषले शुभेन्दुलाई प्रश्न गरेका छन्, ‘के यो १४ दिसम्बरमा यही हुनु थियो?’

शुभेन्दु अधिकारीले १२ दिसम्बर, १४ दिसम्बर र २१ दिसम्बरमा केही ठूलो हुने चेतावनी दिँदै मुख्यमन्त्री ममता ब्यनार्जीको सरकारलाई यी तीनवटा मिति दिएका थिए। १२ दिसम्बरमा बागतुई काण्डका मुख्य अभियुक्त लालन शेखको सीबीआई हिरासतमा मृत्यु भएको थियो। उनको शव बाथरुममा झुण्डिएको अवस्थामा फेला परेको थियो। अर्कोतर्फ १४ दिसम्बर बुधबार शुभेन्दु अधिकारीको कार्यक्रममा कम्बल बाँड्ने क्रममा भागदौड हुँदा तीनजनाको मृत्यु भएको थियो।