मालदा। गोप्य सूचनाका आधारमा माणिकचक प्रहरी चौकीले छापा मारेर अवैध हातहतियारसहित एक जनालाई पक्राउ गरेको छ। उनको साथबाट दुई थान पाइपगन र दुई राउण्ड कारतूस बरामद भएको छ। सोमबार माणिकचक थानाको प्रहरीले आरोपीलाई मालदा अदालतमा पेश गरेको थियो। प्रहरी स्रोतका अनुसार पक्राउ परेका व्यक्तिको नाम जियाबुल हक रहेको छ। उनको घर रतुआ प्रहरी चौकी क्षेत्रमा छ। आज ती व्यक्ति माणिकचक घाट नजिकै शंकास्पद अवस्थामा घुमिरहेका थिए। त्यसैबेला गस्ती गरिरहेको प्रहरीले युवकलाई सोधपुछ गरेको थियो। खोजीका क्रममा उनको साथबाट अवैध हतियार बरामद भएको छ। आरोपीले झारखण्डबाट गंगा पार गरेर तस्करीका लागि हतियार ल्याएको प्रहरीको प्रारम्भिक अनुमान छ। प्रहरीले घटनाको अनुसन्धान सुरु गरेको छ।
About Author
Post Views: 165