अलिपुरद्वार: अलिपुरद्वार जिल्लाको हासिमारा क्षेत्रमा गाउँलेहरूले सडक गुणस्तरहीन सामग्रीले निर्माण गरेको आरोपमा विरोध गरे। हसिमारा एसबीआई बैंक देखि हसिमारा हिन्दी हाई स्कूल सम्म करिब दुई किलोमिटर सडक र कल्भर्टको निर्माण कार्य अलीपुरद्वार जिल्ला परिषदको तर्फबाट २०१९ मा सुरु भएको थियो। ठेकेदारले सडकमा तीन ठाउँमा कल्भर्ट नबनाएको र सडकको मर्मत सम्भारसमेत नगरेको गाउँलेको गुनासो छ। यस विषयमा धेरै ठाउँमा र ‘दीदी के बोलो’ कार्यक्रममा समेत गुनासो आएको क्षेत्रका जनताले बताए। तर वर्षौं बितिसक्दा पनि समाधान हुन सकेको छैन। यो सडक मलङ्गी ग्राम पञ्चायतको सबैभन्दा महत्वपूर्ण सडक भएको गाउँले बताउँछन्। यस सडकबाट हसिमारा हिन्दी हाईस्कुल, बैंक रोड लगायतका महत्वपूर्ण स्थानहरुमा मानिसहरु आउने गर्दछन्। उनले कल्भर्ट बनाउनु पर्ने तीन ठाउँमा कल्भर्ट नभएकाले वर्षाको दिन सडकमा पानी बग्ने र सवारी आवागमन ठप्प हुँदा सर्वसाधारणलाई निकै समस्या हुने गरेको बताए। यो समस्यालाई तत्काल समाधान गर्न स्थानीयले माग गरेका छन्।