२८ नोभेम्बरः फीफा वर्ल्ड कपमा आइतवार मोरक्कोले बेल्जियमलाई २-०-ले पराजित गरेपछि बेल्जियम र नीदरल्याण्डको धेरै शहरहरूमा दंगा भयो। ब्रसेल्समा भीड़लाई काबूमा ल्याउन पुलिसले वाटर क्यानन र टियर ग्यास प्रयोग गर्नु पऱ्यो। पुलिसले ब्रसेल्समा लगभग एक दर्जन व्यक्तिलाई पक्राउ गऱ्यो। यसरी नै उत्तरी शहर एण्टवर्पमा पनि आठजनालाई पक्राउ गरियो। ब्रसेल्स पुलिसका प्रवक्ता इल्से भेन डे कीरेले बताएअनुसार, बेल्जियमको निराशाजनक हारपछि धेरैजना मानिसहरू सड़कमा ओर्लिए अनि कार-ई स्कूटरहरूमा आगो लगाउनको साथै ढुंगाले हानेर गाड़ीहरू तोड़फोड़ गरे। घटनामा एकजना व्यक्तिलाई चोट लागेपछि पुलिसले कार्वाही गऱ्यो। ब्रसेल्सका महापौर फिलिप क्लोजले मानिसहरूलाई शहरको मध्यमा जमा नहुने अनुरोध गरे। क्लोजले भने, यी मानिसहरू खेल प्रशंसक होइन। यी मानिसहरू दंगाई हुन्। यसरी नै छिमेकी देश नीदरल्याण्डमा पुलिसले बताएअनुसार, रोटरडममा हिंसक घटनाहरू भयो। त्यहाँ दंगा रोधी अधिकारीहरूले लगभग ५०० जना मानिसहरूको फूटबल समर्थन समूहलाई रोक्ने प्रयास गरे। ती मानिसहरूले पुलिसलाई ढुंगाले हिर्काउनको साथै बाटोमा आगो लगाउनको साथै तोड़फोड़ गरे। घटनामा दुईजना पुलिस अधिकारी घाइते भए। नीदरल्याण्डको राजधानी एम्सटर्डम र हेगमा पनि अशान्तिको माहोल रहेको छ।