सिलगढी। केन्द्रको सत्तामा भाजपा पार्टीले ८ वर्ष पुरा गरेको छ। आज सिलगढीको जङ्क्सन परिसरमा पनि आज गरिब कल्याण सम्मेलन कार्यक्रमको आयोजना गरियो। उक्त कार्यक्रमलाई सम्बोधन गर्दै राजु विश्टले गत ८ वर्षदेखि प्रधानमन्त्री नरेन्द्र मोदीको नेतृत्वमा देश तथा देशवासीहरूको लागि विविध परियोजनाहरू शुरु गरेको अवगत गराउँदै मानिसहरूलाई यसबारे विस्तृत रुपमा जानकारी पनि गराए।
प्रधानमन्त्री नरेन्द्र मोदीको नेतृत्वमा देश सशक्त बनेको छ। यसको साथै गरीब मानिसहरूको लागि विविध योजनाहरू जस्तै- आयुष्मान भारत, सम्मान किसान निधि, वान नेशन वान राशन कार्ड, प्रधानमन्त्री आवास योजना, प्रधानमन्त्री मुद्रा योजना लगायत कोरोनाकालमा समस्त देशवासीहरूको लागि निशुल्क भ्याक्सिन एवम् केही जन कल्याणकारी योजनाहरू शुरु गरेको तिनले बताए। यसै अन्तर्गत आज भाजपाले ८ वर्षको शासनकाल पुरा गरेको उपलक्ष्यमा हिमाचल प्रदेशमा प्रधानमन्त्री नरेन्द्र मोदीले एउटा कार्यक्रमबीच मानिसहरूलाई सम्बोधन गरिरहेका छन्। उक्त कार्यक्रममा दार्जीलिङका सांसद तथा केन्द्रीय प्रवक्ता राजु विष्ट, खरसाङका विधायक बीपी बजगाईँ, सिलगढीका विधायक शंकर घोष लगायत अन्य नेता तथा कार्यकर्ताहरू उपस्थित थिए।