गान्तोक: राज्यमा केही दिनदेखि यता कोरोना संक्रमित रोगीहरूको संख्यमा कमी देखापरिरहेको छ। आज राज्यको कुनै पनि  जिल्लाबाट एक जना पनि कोरोना संक्रमित रोगी  फेला नपरेको राज्यको स्वास्थ्य विभागले बताएको छ। यसरी नै आज राज्यमा कोरोनाले कसैको मृत्युपनि भएन। विभागले जारी गरेको कोरोनाको आंकडा अनुसार गत २४ घण्टमा दुई जना उपचारधी कोरोना रोगी निको भएर घर फर्किएका छन्।

राज्य स्वास्थ्य विभागले जनाए अनुसार हाल राज्यमा दुई जना कोरोना संक्रमित रोगीहरू उपचारधीन रहेका छन्।

हिजो कूल ८४ जनाले रेपिड एन्टीजेन टेस्ट र आरटीपीसीआर जाँच गरेका थिए, जसमा एक जनाको पनि  पोजिटीभ रिपोर्ट नआएको विभागले बताएको छ।

आजको रिकोभरी दर हेर्नु हो भने ११.६ प्रतिशत रहेको छ भने पोजिटीभिटी दर ० प्रतिशत रहेको छ। हालसम्म राज्यमा ३७,९६६ जना यस रोगलाई जितेर स्वास्थ्य लाभ लिइरहेका छन् भने वर्ष २०२० देखि अहिलेसम्म ३९,१६५ जना कोरोना संक्रमित बनिसकेका छन्। यस रोगको कारण हालसम्म ४५२ जनाको मृत्यु भइसकेको छ।