एउटी महिलाले एकपछि अर्को गर्दै पाँचजना पुरुषसँग विवाह गरेकी छन्। ती महिलाले कुनै पनि पतिसँग पारपाचुके गरिनन् र फेरि विवाह गरिन्। पारपाचुके नगरी विवाह गरेपछि महिलाको मुद्दा अदालत पुग्यो र उनी जेल जान बाध्य भइन्। पाँच पति भएकी यी महिलाको एकजना अर्को प्रेमी पनि थिए। प्रेमीले एउटा अन्तर्वार्तामा महिलासँगको आफ्नो सम्बन्धको खुलासा गरेका छन्। यो इंग्ल्याण्डमा भएको मामला हो। ४३ वर्षीय वेन हार्पर पाँच पुरुषकी पत्नी एमिली हर्नसँग १८ महिनासम्म सम्बन्धमा थिए। तर वेनका भनाइअनुसार उनले एमिलीले उनलाई धोका दिएको थाहा पाए। यसैमा उनीहरुको ब्रेकअप भयो।

वेनले एमिलीलाई अस्पतालमा भेटे। दुर्घटनापछि वेनलाई त्यही अस्पतालमा भर्ना गरिएको थियो। त्यहाँ एमिलीको सानो शल्यक्रिया चलिरहेको थियो। वेनले भने, ‘उनी हेर्दा राम्री, स्लिम, सेक्सी र बुद्धिमान देखिन्थिन्l’ एमिलीका पहिले नै पाँच पति छन् भन्ने कुरा जब जब वेनले थाहा पाए, तब उनले एमिलीलाई समर्थन गर्ने निर्णय गरे, जबसम्म उनी वफादार रहन्छिन्। तर १८ महिना पछि वेन संदिग्ध थिए। उनले एमिलीलाई धोका दिएको आरोप लगाए र त्यसपछि उनलाई छोडे। एमिलीसँगको सम्बन्धको बारेमा कुरा गर्दै वेनले द सनसँगको कुराकानीमा भने-‘मैले उनीबाट धोका पाएको कारण ब्रेकअप गरें। यो सम्बन्धको सुखद अन्त्य थिएन। मसँग अब उनको कुनै सम्झना छैन, न त फोटो, केही छैन।’

एमिलीले एडल्ट फिल्ममा पनि काम गरेकी छिन्। उनीहरूको पहिलो भेट पछि एमिलीले वेनलाई अस्पताल छोडेपछि उनीसँग बस्ने ठाउँ छैन भनेकी थिइन्। त्यसैले डिस्चार्ज भएपछि एमिली वेनसँग बस्न थालिन्। सन् २००४ मा एमिलीलाई पहिलो पटक एक भन्दा बढी पुरुषसँग विवाह गरेको मामिलामा दोषी पाइयो। त्यसपछि उनलाई ६ महिनाको जेल सजाय सुनाइयो। यसपछि सन् २००९ मा एकभन्दा बढी विवाहको मुद्दामा उनी फेरि दोषी ठहर भइन्। ४३ वर्षीया एमिलीले पाँचजना पुरुषसँग विवाह गरिन्। उनले कसैसँग सम्बन्धविच्छेद गरेकी छैनन्। एमिलीले सन् १९९६ मा १८ वर्षको उमेरमा पल रिग्बीसँग विवाह गरिन्। तर, तीन महिनापछि मात्रै दुवै छुट्टिए। तीन वर्ष पछि, एमिलीले सीन कनिङ्घमसँग विवाह गरिन्। तर त्यसपछि उनलाई पनि उनको साथी साइमन थोर्पको लागि छोडियो। एमिलीको थोर्पसँग इन्गेजमेन्ट भयो। यसबीचमा एमिलीले क्रिस ब्यारेट र जेम्स म्याथ्युजसँग पनि विवाह गरिन्। एमिलीलाई पहिलो पटक जेल जानुपरेको थियो जब उनी म्याथ्युजको साथीसँग बस्न थालेकी थिइन्। म्याथ्युजले यसबारे पुलिसलाई बताए। सन् २००४ मा पहिलो पटक एमिली एक भन्दा बढी पुरुषहरु सँग विवाहको लागि जेल गइन्। उनी ६ महिना जेलमा बसिन्। जेलबाट छुटेपछि, उनले पाँचौं पति एश्ले बेकरसँग विवाह गरिन्।