१५ नोभम्बरः प्रगति युथ क्लब, मिरिकको तत्त्वावधानमा आयोजित माया मेमोरियल ओपन नक्आउट फूटबल टुर्नामेण्टमा सोमवार दुईवटा म्याच खेलियो। मिलन नगर (मिरिक, वार्ड नम्बर ३) खेल मैदानमा भएको पहिलो म्याचमा सोरासाले एफसी-ले कृष्णनगर एफसी-लाई ३-१-ले पराजित गऱ्यो। विजेता टीमबाट अभिषेकले २ अनि दिपेशले १ गोल गरे। यसरी नै कृष्णनगर एफसी-बाट अलोकले १ गोल गरे। यसरी नै दोस्रो म्याचमा मिरिक युनाइटेड बी-ले शान्ति धारा (नेपाल)-लाई २-०-ले पराजित गऱ्यो। विजेता टीमबाट सिद्धान्त र अनिकेतले गोल गरे। बुधवार पनि दुईवटा म्याच खेलिनेछ। पहिलो म्याचमा पोखरेबुंग एफसी र थामी बोइज (मिरिक)-बीच भिड़न्त हुनेछ। यसरी नै दोस्रो म्याच जिम्बा गाउँ र चेतन सेभेनबीच खेलिनेछ। यस फाइभ ए साइड टुर्नामेण्टमा च्याम्पियन हुने टीमलाई ट्रफीको साथमा ३० हजार रुपियाँको नगद पुरस्कार प्रदान गरिनेछ। यसरी नै रनरअप् हुने टीमलाई ट्रफीको साथमा २० हजार रुपियाँको नगद पुरस्कार प्रदान गरिनेछ।