माग पूरा नभएसम्म आन्दोलन जारी राख्ने चेतावनी

सिलगढी: भारत संचार निगम (बीएसएनएल)का अस्थायी कर्मचारीहरूले बाँकी तलबको मागलाई लिएर आन्दोलनलाई तीव्र बनाएका छन्। आन्दोलनरत कर्मचारीले करिब १६ महिनाको तलब बाँकी रहेको बताएका छन्। बक्यौता पारिश्रमिकको माग गर्दै विगत १२ दिनदेखि भारत संचार निगमका विभिन्न कार्यालय अगाडि धर्नामा बसेका यी व्यक्तिहरु। हडतालमा बसेका बीएसएनएलका अस्थायी कर्मचारीले हडतालका कारण सर्वसाधारणले भोग्नुपरेको समस्याको पूर्ण जिम्मेवारी व्यवस्थापनको रहेको बताएका छन्। दार्जिलिङ जिल्लाका सांसद आफैंले पूजाअघि नै बक्यौता बुझाउने आश्वासन दिए पनि उनीहरुले १६ महिनाको तलब पाएका छैनन्। बक्यौता तिर्न नसकेसम्म आन्दोलन जारी रहने उनले बताए।