अस्पतालमा रगतको अभाव भएपछि चालिएको कदम

जलपाईगुडी: जलपाईगुडी मेडिकल कलेज र जिल्ला अस्पतालको रगत बैंकले आजकल रगतको तीव्र अभावको सामना गरिरहेको छ। अस्पतालहरूमा रगतको अभाव हटाउन जलपाईगुडीमा अपाङ्गता भएका व्यक्तिहरू पनि अगाडि आइरहेका छन्। बिहीबार सयौं अपांगता भएका व्यक्तिले रक्तदान गरेर उदाहरण बसालेका छन्। ह्वीलचेयरमा बसेर यी दिव्यांगहरु रक्तदान गर्न आएका थिए ।चाडपर्व सकिन लाग्ने वित्तिकै अस्पताल र स्वास्थ्य केन्द्रमा रगतको अभाव हुन थालेपछि जिल्लाको एक मात्र ब्लड बैंक रगत अभावसँग जुधिरहेको छ। यस्तो अवस्थामा म्यानागुडी स्वामी विवेकानन्द अपाङ्ग कल्याणकारी संघले अपाङ्गता भएका व्यक्तिका लागि रक्तदान शिविर आयोजना गरेको छ। यो रक्तदान शिविर जलपाईगुडी जिल्ला परिषद कार्यालयमा आयोजित गरिएको थियो।यसै सन्दर्भमा संस्थाका सम्पादक रबिउल इस्लामले भने, ‘हाम्रो लक्ष्य १०० युनिट रगत संकलन गर्ने हो। यसै उद्देश्यले यो स्वेच्छिक रक्तदान शिविर आयोजना गरिएको हो। यस अवसरमा अपाङ्गता भएकाहरुलाई कम्बल वितरण गरिएको उहाँले बताउनुभयो। यस अवसरमा जिल्ला परिषद्का उपाध्यक्ष दुलाल देवनाथ, सदर ब्लक पहारपुर ग्राम पञ्चायतका उपप्रमुख बेनुरञ्जन सरकारलगायत विशिष्ट व्यक्तिहरुको उपस्थिति रहेको थियो।