जलपाईगुडी: जलपाईगुडी जिल्लामा डेंगुको बीचमा स्क्रब टाइफसका केसहरू रिपोर्ट गरिएको छ। स्क्रब टाइफसबाट यस वर्ष अहिलेसम्म तीन जनाको मृत्यु भइसकेको छ। जिल्लामा हालसम्म ५७ जना स्क्रब टाइफसबाट संक्रमित भएका छन्। जलपाईगुडी सहरको राजबारी पारामा रहेको निजी नर्सिङ होममा र्‍यापिड एन्टिजेन टेस्ट गर्दा सहरकी एक महिलालाई स्क्रब टाइफस भएको पत्ता लागेको थियो।इलिसा परीक्षणका लागि नमूना जिल्ला स्वास्थ्य विभागमा पठाइएको नर्सिङ होम स्रोतले जनाएको छ। स्वास्थ्य विभाग स्रोतका अनुसार दिउँसो महिलाको स्क्रब टाइफस रिपोर्ट पोजेटिभ आएको हो। स्वास्थ्य विभाग स्रोतका अनुसार जिल्लामा डेङ्गुका बिरामीको संख्या कम्तीमा ३ हजार ५ सय नाघेको छ। यो वर्ष अहिलेसम्म डेंगुका कारण तीन जनाको मृत्यु भइसकेको छ। जिल्लामा पछिल्लो दुई सातामा ४० देखि ४५ जना डेंगुका बिरामी निको भएको स्वास्थ्य विभागको दाबी छ ।जिल्लामा डेंगुको अवस्था नियन्त्रणमा आएको छ। अर्कोतर्फ स्वास्थ्य विभागले भने सबै प्रकारका सावधानी अपनाइरहेको दाबी गरेको छ। यसैबीच स्क्रब टाइफसका सम्बन्धमा जनस्वास्थ्य विज्ञहरूले स्क्रब टाइफस एक प्रकारको ब्याक्टेरियाबाट हुने रोग भएको बताए। यो रोग चिगर वा एक प्रकारको साना कीराको टोकाइबाट सर्छ। सामान्यतया कीराले टोकेपछि छालामा गाढा रातो रङको दाग देखिन्छ। ज्वरो आउने, टाउको दुख्ने, शरीर दुख्ने, वाकवाकी लाग्ने, डिप्रेसन आदि यसका लक्षण हुन् ।शरीरका धेरै अंगहरु निष्क्रिय हुने, आन्तरिक रक्तस्राव हुने सम्भावना रहन्छ। यो रोगको उपचार एन्टिबायोटिक र इन्जेक्सन मात्रै भएको चिकित्सकहरुले बताएका छन्। यस रोगको अहिलेसम्म कुनै खोप उपलब्ध छैन। निजी नर्सिङका निमित्त प्रमुख चिकित्सक सुमन्त्र मुखोपाध्यायले भने, “स्क्रब टाइफस पीडित महिलाको शारीरिक अवस्था स्थिर छ, आवश्यक उपचार भइरहेको छ, जिल्ला स्वास्थ्य विभागमा रिपोर्ट पनि पठाइएको छ। “जिल्ला प्रमुख स्वास्थ्य अधिकारी असीम हल्दरले अहिले डेंगुको अवस्था धेरै हदसम्म नियन्त्रणमा रहेको बताए। जिल्लामा स्क्रब टाइफसबारे जनचेतना अभिवृद्धि गर्न अभियान पनि सञ्चालन गरिनेछ।