पाकिम। निर्वाचन विभागले वडा पञ्चायत निर्वाचनका लागि ईभीएम जडानको काम आज डेक्लिङ उच्च माविको सभागृहमा सफलतापूर्वक सम्पन्न गरेको छ। जिल्लाका प्रमुख तथा निर्वाचन अधिकृत टाशी चौपेलको निगरानीमा ईभीएम सञ्चालनको काम सम्पन्न भएको हो। कार्यक्रममा जिल्लाका उच्च पदस्थ अधिकारीहरुको समेत उपस्थिति रहेको थियो। वडा पञ्चायत निर्वाचनका लागि सम्बन्धित दश सेक्टर म्याजिस्ट्रेटले सहभागी उम्मेदवारहरूको उपस्थितिमा कुल १२८ वटा ईभीएम सञ्चालनमा ल्याएका थिए। यसपछि स्ट्रङ्ग रुम र मुख्य ढोका सिल गरिएको थियो। अब मंसिर ९ गते निर्वाचन प्रक्रियाका लागि स्ट्रङ्ग रुम खोलिनेछ। स्ट्रङ्ग रुमको सुरक्षाका लागि प्रहरी र सरोकारवाला सरकारी कर्मचारी खटाइने छन्।