कोलकाता: गुजरातको मोरबी पुल दुर्घटनापछि पश्चिम बङ्गाल सरकार पनि सक्रिय भएको छ। राज्य सरकारले राज्यका सबै पुलहरूको फिटनेस जाँच गर्न भनेको छ। यस सम्बन्धमा मुख्यमन्त्री ममता ब्यानर्जीको सरकारले विधिवत आदेश जारी गरेको छ। समाचारअनुसार राज्यका कुल २ हजार १०९ पुल रहेका छन्। तीमध्ये कतिपय पुल निकै पुराना छन्। यसैले पश्चिम बङ्गाल सरकारले आफ्नो पुलहरू समयमै जाँच गर्ने निर्णय गरेको छ। सरकारले यी सबै पुलको फिटनेस जाँच गर्न सम्बन्धित निकायलाई निर्देशन दिएको छ।

पश्चिम बङ्गालका मन्त्री पुलक रायले राज्यका वरिष्ठ अधिकारीहरू र इन्जिनियरहरूसँग बैठक गरे। सो क्रममा उनले राज्यका सबै पुलको अवस्थाको समीक्षा गरे। यस क्रममा उनले प्रत्येक पुलको राम्ररी सर्भे गर्न अधिकारीहरूलाई स्पष्ट रूपमा भने। ‘सबै पुलहरूको क्षमता जाँच गर्नुपर्छ। यसको पूर्ण अभिलेख कागजात तयार गरिनुपर्छ, जसमा पुल कहिले निर्माण भयो र कहिले मर्मतको काम भयो भन्ने पूर्ण रूपमा वर्णन गर्नुपर्छ। यसका साथसाथै यसको बाँच्ने स्थिति पनि समय समयमा रेकर्ड गरिनुपर्छ’, उनले भने।

मन्त्री पुलक रोयले अधिकारीहरुसँगको बैठकमा सर्वेक्षणका क्रममा कुनै पुलमा गडबडी देखिएमा तत्काल पुलमा आवतजावत बन्द गर्नुपर्ने बताए। यसका साथै प्राथमिकताका आधारमा मरम्मत वा पुनर्निर्माणको काम सम्पन्न गरी पुनः शुरु गर्नुपर्ने उनले बताए। उनले अधिकारीहरूलाई पश्चिम बङ्गालले त्यस्तो कुनै पनि घटना सहन नदिने स्पष्ट पारे। त्यसैले प्रत्येक पुलको जिम्मेवारी र उत्तरदायित्व पनि तोकिनेछ। बैठकमा सिलगढीको कोरोनेसन ब्रिज र कंगसबतीको वीरेन्द्र शसमल पुललाई छिटोभन्दा छिटो मर्मत गर्ने निर्णय गरियो। सन्त्रागाछी पुलको मर्मत कार्य मंसिर १० गतेबाट सुरु हुने र कङ्गसबती र शिलाबती नदीमा दुईवटा नयाँ पुल निर्माणको अभ्यास पनि छिट्टै सुरु हुने मन्त्रीले बताए ।