म्याड्रिड: स्पेनका दिग्गज टेनिस खेलाड़ी रफायल नडाल अब विश्वको शीर्ष फूटबल क्लबहरूमा एक रियल म्याड्रिडको प्रशासनिक ढाँचाको हिस्सा बन्न गइरहेका छन्। स्पेनको क्लबले नडाललाई आफ्नो बोर्ड अफ डिरेक्टर्समा सामेल गर्ने फसेला गरेको छ। अब उनको नियुक्तिलाई अन्तिम मञ्जुरीको निम्ति जेनरल एसेम्बली अफ डेलीगेट मेम्बर्स समक्ष पेश गरिनेछ। बुधवार भएको रियल म्याड्रिडको बोर्ड अफ डिरेक्टर्सको बैठकमा यस सम्बन्धी निर्णय लिइयो। बोर्डले नडालको नियुक्तिको प्रस्तावलाई प्रतिनिधि सदस्यहरूका आम सभामा मञ्जुरीको निम्ति पठाउनेमाथि सहमति जनायो। बोर्डमा सामेल हुने प्रस्तावको निम्ति नडालले क्लबका अध्यक्ष फ्लोरेण्टिनो पेरेज र बोर्डका सदस्यहरू प्रति आभार व्यक्त गरेका छन्। उनले सोशल मीडियामा जारी एउटा पोस्टमा उनी यस प्रस्तावलाई व्यापक उत्साह, केही नयाँ सिक्ने इच्छा र क्लबको निम्ति आफ्नो पूरा योगदान दिने भावनाको साथ स्वीकार गरिरहेको बताएका छन्। यसरी रियल म्याड्रिडले आफ्नो आधिकारिक बयानमा नडालको नियुक्तिलाई क्लबको निम्ति ठूलो सम्मानको कुरा बताएको छ। क्लबले बताएअनुसार, नडालको खेलमा उपलब्धिहरू, विनम्रता, प्रतिस्पर्धात्मक भावना, अनुशासन र प्रतिद्वन्द्वीहरू प्रति सम्मानले रियल म्याड्रिडको मूल्यहरूलाई दर्शाउँछ। उल्लेखनीय छ, नडाल टेनिस इतिहासका महानतम खेलाड़ीहरूमा एक हुन्। उनले आफ्नो २ दशकभन्दा लामो करियरमा जम्मा ९२ वटा एकल खिताब जिते। यसमा २२ वटा ग्राण्ड स्ल्याम खिताब सामेल छ। नडालले रेकर्ड १४ पल्ट फ्रेञ्च ओपनको खिताब जितेका थिए। यसबाहेक उनले ४ पल्ट यूएस ओपन, २ पल्ट विम्बल्डन र २ पल्ट अष्ट्रेलियन ओपनको खिताब पनि जिते। ग्राण्ड स्ल्याम बाहेक नडालले ओलम्पिक र अन्तर्राष्ट्रिय टीम प्रतियोगिताहरूमा पनि असाधारण प्रदर्शन गरेका छन्। उनले २००८ बेजिंग ओलम्पिकमा पुरुष एकल स्वर्ण पदक जितेका थिए। यसरी उनले २०१६ रियो ओलम्पिकमा पुरुष युगल स्वर्ण पदक जितेका थिए। यसबाहेक स्पेनको डेविस कप टोलीलाई ५ पल्ट च्याम्पियन बनाउनमा उनको महत्त्वपूर्ण योगदान रहेको थियो। नडाललले २०२४-मा पेशादार टेनिसबाट सन्न्यास लिएका थिए।