३० अक्टोबरः अप्पर फागू स्पोर्ट्स एण्ड कल्चरल एसोसिएशन (यूएफएससीए)-को तत्त्वावधानमा आयोजित नगद राशि नक्आउट फूटबल टुर्नामेण्टमा रिम्बिक, लोधोमाले क्वार्टर फाइनलमा स्थान बनायो। अप्पर फागू खेल मैदानमा आइतवार भएको म्याचमा रिम्बिक, लोधामाले कालेबुङको जर्जियन एफसी-लाई २-०-ले पराजित गऱ्यो। विजेता टीमबाट दुवै गोल अभिषेक गुरुङले छिराए। अभिषेकलाई प्लेयर अव् द म्याच चयन गरियो। अब सोमवार खेलिने म्याचमा सिलगढ़ी (Siliguri) युनाइटेड र युनाइटेड दार्जीलिङबीच भिड़न्त हुनेछ। यस टुर्नामेण्टमा जम्मा १६ वटा टीमले हिस्सा लिएको छ। टुर्नामेण्टको दुईवटा सेमिफाइनल क्रमशः ९ र ११ नोभेम्बरमा खेलिनेछ। यसरी नै फाइनल १४ नोभेम्बरमा हुनेछ। यस नाइन ए साइड टुर्नामेण्टमा च्याम्पियन हुने टीमलाई ट्रफीको साथमा १ लाख रुपियाँको नगद पुरस्कार प्रदान गरिनेछ। यसरी नै रनरअप् हुने टीमलाई ट्रफीको साथमा ५० हजार रुपियाँको नगद पुरस्कार प्रदान गरिने आयोजक समितिको तर्फबाट हिमाल राणाले बताएका छन्।