मंगन: छठ पुजाको समयमा आगलागीको घटना प्रकाशमा आएको छ।यो घटना मंगन थाना क्षेत्र अन्तर्गत पेन्टोकस्थित पुरानो डाक-घर छेउको हो। स्थानीय मितलेश शर्माको घरमा आगलागीको घटना भएको थियो। पुलिस लगायत स्थानीय मानिसहरू र दमकल विभागको संयुक्त पहलमा समयमा आगोलाई नियन्त्रित गरियो।पुलिस रिपोर्ट अनुसार, शनिवार राति लगभग ११.२५ बजी मितलेश शर्माको घरमा आगो लाग्यो। आगलागीमा शर्माको आधा आरसीसी र आधा काठको घर जलेर खरानी भयो। घरका सर-सामग्रीहरू पनि जलेका छन्। दुर्घटनाको समय शर्मा परिवार छठ पूजा मनाउन सिलगढी गएका थिए। आगलागीको कारण थाहा हुन सकेको छैन।